Është hedhur në Nion të Zvicrës shorti i turit të parë të Europa League. Nga ekipet e Superligës shqiptare në këtë kompeticion marrin pjesë Luftëtari, Laçi dhe Partizani.
Sipas shortit, Partizani do të luajë kundër skuadrës së Mariborit nga Sllovenia. Ndeshja e parë mes dy ekipeve do zhvillohet në 12 korrik dhe ajo e kthimit në 19 korrik.
Luftëtari mund të quhet ekipi me fat në short, pasi ka “peshkuar” letonezët e Ventspils, një klub i kalueshëm. Ndeshja e parë do të luhet në fushën e letonezëve.
Ndërkohë Laçi do të përballet me qipriotët e Anorthosis. Short i vështirë për skuadrën laçiane pasi qipriotët janë ekip me eksperiencë. Edhe Laçi, si dy ekipet e mësipërme do ta luaj ndeshjen e parë në transfertë.