KATEGORIA E PARË/ Trajneri Fatjon Tafaj, tregon synimin deri në mbyllje të kampionatit
Agron KAJA
Fatjon Tafaj e nisi me këmbën e mbarë bankinën te skuadra e Kukësit në Kategorinë e Parë, me një fitore bindëse 3-0 ndaj Valbonës. Edhe pse kishte vetëm një ditë i kontaktuar me drejtuesit e skuadrës, Tafaj e quajti këtë ndeshje si një njohje me skuadrën, që sipas tij, ka element të mirë, të rinj të alternuar me më të vjetrit. Nisja me këmbën e mbarë për të si trajner i verilindorëve, do të thotë se duhet më shumë vazhdimësi që skuadra t’i shmanget zonës Play-out. “Fitorja me Valbonën ishte e merituar, mund të ishte edhe më e thellë. Por tri pikët janë të vlefshme, si të fitosh me Valbonën apo me Vorën kryesuese. Kukësi mendoj se ka qënë ekip i pa fat gjatë këtij sezoni që po luan në Kategorinë e Parë, dhe pas kësaj fitoreje na duhet vazhdimësi që të shmangim zonën e Play-out-it, duke nisur që nga ndeshja e ardhshme me Erzenin në Vorë”, kështu e nisi dje bisedën trajneri i ri i Kukësit Fatjon Tafaj, i cili u ndal më pas edhe tek situata aktuale të skuadrës. “Ekipi ka më shumë përbërje me lojtarë të rinj dhe pa eksperiencën e duhur në Kategorinë e Parë. Por alternimi me tre-katër më të vjetrit, besoj se do ta bëjë të mundur arritjen e synimit. Sepse e ekipi prodhon lojë, por duke qënë se janë të rinj dhe pa eksperiencën e duhur, ndodhet në këtë pozicion në tabelën e renditjes. Kjo situatë mund të jetë edhe çështje fati, sepse golat i kanë pësuar në fund, madje me gola sporadikë”. Në fakt, Tafaj është trajneri i katërt në bankinën kuksiane, çka për të nuk ka fare rëndësi, sepse situata të tilla ai i quan normale brenda profesionit të trajnerit. Më parë kanë drejtuar Ilir Spahiu, Emiliano Çela dhe Alfred Allamani, “Nuk është problem se sa trajnerë e kanë drejtuar Kukësin në këtë sezon, sepse situata e skuadrës kërkon një psikologji ndryshe, jo “kronikë të zezë”. Unë i falenderoj paraardhësit, me Allamanin të fundit, sepse kanë bërë maksimumin për ngjitjen në renditje. Deri në mbyllje të kampionatit janë edhe shtatë ndeshje me 21 pikë. Ndaj edhe ne të gjitha këto ndeshje do ti marrim me rradhë, sepse çdo tre pikësh i rëndësishëm për t’u larguar jashtë zonës Play-out. Këto ditë kemi punuar më shumë me topin dhe për situata taktike. Deri sfida me Erzenin që do luhet të dielën në Vorë, mendoj se do të kemi formën e gjëndjen më të mirë për ta kaluar me sukses”, ishte kjo biseda me trajnerin e ri të Kukësit, Fatjon Tafaj, i cili edhe pse ka marrë një detyrë në një pozicion të vështirë, nuk e quan mision të pamundur objektivin jashtë zonës Play-out.
EURO U-17/ VAJZA
Shqipëria humbet me Andorrën, por shkëlqen Amelia Reçi
Kombëtarja shqiptare e vajzave U-17 po merr pjesë në ndeshjet e raundit të dytë të Kampionatit Europian, Liga B-Grupi B3, të cilat po luhen në Centre d’Entrenament FAF Santa Coloma, pranë kryeqytetit la Vella të Andorrës. Në ndeshjen e parë ndaj Izraelit, vajzat kuqezi humbën 1-3, ku golin e vetëm e shënoi sulmuesja e talentuar Amelia Reçi, në minutën e 67-të me një goditje të bukur nga jashtë zone. Ndërsa dje, Kombëtarja e vajzave U17 luajti ndeshjen e dytë, këtë herë ndaj Andorrës mikpritëse e këtij grupi dhe e humbi 0-1 me penallti. Edhe këtu, sulmuesja Reçi bëri gjithçka për golin ku edhe pse u ndëshkua me 2 kv (1 kk), por u vlerësua lojtarja e ndeshjes për Kombëtaren tonë, që regjistroi humbjen e dytë në këtë turne. Në takimin tjetër të këtij grupi, Bjellorusia fitoi 3-2 ndaj Izraelit. Ditën e hënë më 10 mars, Shqipëria do të luajë ndeshjen e fundit në grup me Bjellorusinë, në orën 12:00, në shancet e fundit për të marrë pike nderi.
Liga B / Grupi B3
Ndeshjet – Shqipëria
Datë 4 mars 2025
Izrael-Shqipëri 3-1
Datë 7 mars 2025
Shqipëri-Andorrë 0-1
RENDITJA
Skuadrat Nd P
1.Bjellorusi 2 4
2.Andorrë 2 4
3.Izrael 2 3
4.Shqipëri 2 0
Datë 10 mars 2025
Shqipëri-Bjellorusi 12:00
KATEGORIA E PARË
Ndeshjet-Java 27
Datë 9 mars 2025
Besa-Lushnja 14:00
Burreli-Pogradeci 14:00
Erzeni-Kukësi 14:00
Flamurtari-Kastrioti 14:00
KF Valbona-Korabi 14:00
Vora-Apolonia 14:00
RENDITJA
Skuadrat Nd Pikë
1.Vora 26 66
2.Flamurtari 26 62
3.Besa 26 55
4.Burreli 26 44
5.Lushnja 26 37
6.Pogradeci 26 37
7.Kastrioti 26 31
8.Apolonia 26 30
9.Korabi 26 25
10.Kukësi 26 24
11.Valbona 26 13
12.Erzeni 26 8
Korabi gjen trajnerin Nr 2 të sezonit
Pas largimit të Agim Canaj nga stoli i Korabit, dje drejtuesit e kësaj skuadre kanë gjetur zëvendësuesin e tij, ku Alfred Deliallisi do të jetë trajneri i ri i Korabit për pjesën e mbetur të sezonit. Canaj është trajneri i 13-të që largohet brenda këtij sezoni në Kategorinë e Parë. Korabi mban vendin e 9-të, me 5 pikë më pak se Apolonia që është jashtë zonës së rënies nga kategoria.
