Ditë të mira po vijnë për Milanin.
Tri ndeshje, tri fitore, skuadra e Stefano Piolit ka marrë pikët e plota në xhiron e tretë në Serie A, duke konfirmuar se po ndërton një skuadër që do të rikthente në skenë emrin e dikurshëm që kishin Kuqezinjtë.
Leao shkëlqeu në këtë takim me dy gola.
Rezultati u zhbllokua në minutën e 57’ me golin e të riut, Leao.
Disa minuta më vonë, Milani realizoi edhe dy gola të shpejtë.
Theo shënoi për 2-0 një gol të bukur në minutën e 76’, kurse Leao për 3-0 dhe të dytin personal në minutën e 78’, që doli të jetë rezultati përfundimtar i takimit.
Milani tani bashkë me Atalantën, prijnë në Serie A me nga 9 pikë.
