SPECIALE/ Historia e skuadrave pjesëmarrëse në Superiore, kampionatet dhe kupat e fituara.
Agron Kaja
Sot do të nisë kampionati i 85-të i Abissnet Superiore, niveli më i lartë i futbollit shqiptar. Ky është sezoni 2023-2024 dhe në përbërje janë 10 skuadra (FK Partizani, KF Tirana, KF Vllaznia, KS Egnatia, KF Teuta, KF Laçi, FK Kukësi, KF Erzeni, KF Skënderbeu dhe KS Dinamo). Këto 10 skuadra do të garojnë mes tyre në katër faza me nga 9 ndeshje, gjithsej 36 ndeshje. Ndërkohë që, FSHF-ja si organizatore e kompeticionit ka vendosur të aplikojë edhe skemën “Final 4”, për skuadrat që në fundin e kampionatit do të renditen në katër vendet e para. Sipas kësaj skeme, e cila i zeron pikët, skuadrat do ndeshen mes tyre për të shpallur skuadrën kampione, nënkampionen, vendi i tretë dhe vendi i katërt, duke u ndeshur nga një takim mes tyre. Pikët e grumbulluara do të bëjnë renditjen e tyre, dhe skuadra e parë shpallet kampione, dhe me radhë. Një risi kjo, e cila nuk është pranuar nga të gjitha skuadrat e Abissnet Superiores, por që nga FSHF-ja është vendosur si skemë e vlefshme dhe do të aplikohet. Gjithsesi, gazeta “Telegraf” ka sjellë në këtë speciale historinë e të gjitha skuadrave pjesëmarrëse në Abissnet Superiore 2023-2024, vitet e themelimit të tyre, numri i pjesëmarrjeve në këtë kompeticion, nisur që nga kampionati i parë në vitin 1930 e deri në kampionatin më të fundit të sezonit 2022-2023. Në skedat e 10 skuadrave janë kampionatet dhe kupat e fituara prej tyre, njëherësh edhe drejtuesit më të lartë në klubet respektive. Nisur nga titulli i kësaj speciale: “Tirana “Mbretëreshë” e Titujve dhe e Kupave”, skuadra e Tiranës është quajtur si “Mbretëresha” e këtij kompeticioni, sepse vjen me 26 tituj kampionë të fituara në 84 pjesëmarrjet e saj, nisur nga kampionati i parë që në vitin 1930, vit në të cilin është krijuar zyrtarisht Federata Shqiptare e Futbollit (FSHF), e deri në kampionatin e fundit të fituar prej saj në sezonin 2021-2022. Duke sjellë edhe mendimet e specialistit të futbollit, Sulejman Mema, biseda e tij me gazetën “Telegraf” e plotëson këtë material special në këtë start të ri të edicionit 2023-2024.
KARTOLINAT E SUPERIORES
HISTORI DHE REALITETE
FK PARTIZANI
Themelimi: 4 shkurt 1946
Pjesëmarrje: 71 herë
Tituj Kampionë: 17 herë
Nënkampion: 21 herë
Kupën e Shqipërisë: 15 herë
Superkupën: 2 herë
President: Gaz Demi
KF TIRANA
Themelimi: 15 gusht 1920
Pjesëmarrje: 84 herë
Tituj Kampionë: 26 herë
Nënkampione: 14 herë
Kupën e Shqipërisë; 16 herë
Superkupën: 12 herë
President: Refik Halili
KF VLLAZNIA
Themelimi: 16 shkurt 1919
Pjesëmarrje: 83 herë
Tituj Kampionë: 9 herë
Nënkampione: 12 herë
Kupën e Shqipërisë: 8 herë
Superkupën: 2 herë
President: Alban Xhaferri
KS EGNATIA
Themelimi: 15 shtator 1834
Pjesëmarrje: 4 herë
Tituj Kampionë: 0 herë
Nënkampione: 0 herë
Kupën e Shqipërisë: 1 herë
Superkupën: 0 herë
President: Agim Demrozi
KF TEUTA
Themelimi: 29 janar 1920
Pjesëmarrje: 83 herë
Tituj Kampionë: 2 herë
Nënkampione: 6 herë
Kupën e Shqipërisë: 4 herë
Superkupën: 2 herë
President: Edmon Hasanbelliu
KF LAÇI
Themelimi: Viti 1960
Pjesëmarrje: 24 herë
Tituj Kampionë: 0 herë
Nënkampione: 1 herë
Kupën e Shqipërisë: 2 herë
Superkupën: 1 herë
President: Pashk Laska
FK KUKËSI
Themelimi: Viti 1930
Pjesëmarrje: 12 herë
Tituj Kampionë: 1 herë
Nënkampione: 6 herë
Kupën e Shqipërisë: 2 herë
Superkupën: 1 herë
Drejtohet nga Familja Gjici
KF ERZENI
Themelimi: Qershor 1931
Pjesëmarrje: 8 herë
Tituj Kampionë: 0 herë
Nënkampione: 0 herë
Kupën e Shqipërisë: 0 herë
Superkupën: 0 herë
Drejtohet nga Bashkia Shijak
KF SKËNDERBEU
Themelimi: 15 prill 1909
Pjesëmarrje: 67 herë
Tituj Kampionë: 8 herë
Nënkampione: 3 herë
Kupën e Shqipërisë: 1 herë
Superkupën: 3 herë
President: Ardian Takaj
KS DINAMO
Themelimi: 19 qershor 1950
Pjesëmarrje: 63 herë
Tituj Kampionë: 18 herë
Nënkampione: 9 herë
Kupën e Shqipërisë: 13 herë
Superkupën: 2 herë
President: Adrian Bardhi
HISTORIA NË VITE
Kampionate të zhvilluara
Nga viti 1930: 84 herë
Nuk janë luajtur në vitet:
1935, 1938-1944,1949, 1962
Kupa të Shqipërisë
Nga viti 1939: 70 herë
Nuk është luajtur në vitet:
1940-1947, 1955-1956, 1959,
1962, 1967 dhe 1969
SuperKupa të Shqipërisë
Nga viti 1990: 34 herë
Nuk është luajtur në vitet:
1995 dhe 1997
FEDERATA SHQIPTARE E FUTBOLLIT
Themelimi: Viti 1930
Pranuar në FIFA: Viti 1932
Pranuar në UEFA: Viti 1954
President: Armand Duka
Renditja në UEFA: 49
Tr. Kombëtares: Sylvinho
Kapiten: Elseid Hysaj
Stadiumi: “AIR Albania”
Kapaciteti: 22.000 vende
Renditja në FIFA: 68
