SPECIALE / Dy “zonjat” e kryeqytetit përballë në sfidën e 153-të, flasin Artur Çobani dhe Bedri Omuri
Agron KAJA
HISTORI-BILANC-AKTUALITET
Ndeshjet ekstreme
Ndeshja e parë
Qershor 1950
Tirana-Dinamo 0-1
Ndeshja e fundit
27 shtator 2025
Tirana-Dinamo C 1-2
Bilanci në Superiore
Ndeshje 152
Fitore Dinamo 51
Fitore Tirana 65
Barazime 36
Golat 196-227
Bilanci në Kupë
Ndeshje 31
Fitore Dinamo 16
Barazime 6
Fitore Tirana 9
Golat 44- 32
Bilanci total
Ndeshje 183
Fitore Dinamo 67
Barazime 42
Fitore Tirana 74
Golat 240- 259
DINAMO CITY
Në vëndin e 5-të/ 20 pikë
Me: 5 F, 5 B, 3 H, G 12:6
KF TIRANA
Në vëndin e 10-të/ 7 pikë
Me: 1 F, 4 B, 8 H, G 9:21
DINAMO CITY/ ARTUR ÇOBANI
Ky “derbi”, nuk do jetë i barabartë si ndër vite
Sa herë kujtoni se jeni përballur në karrierën tuaj në “derbin” me Tiranën, si lojtar apo edhe në pozicione të tjera?
Kanë qënë shumë ndeshje kundër Tiranës, ku veç atyre të kampionatit, jemi ndeshur edhe në Kupa, madje edhe në finale e gjysmëfinale. Në çdo sezon, me Tiranën kam luajtur 3-4 “derbi” në katër vite me Dinamon, pra 10-12 “derbi”.
Cilën përballje “derbi” si lojtar i Dinamos e veçoni për karakteristikat e saj dhe rezultatin?
Finalen e Kupës së Shqipërisë në vitin 1982, ku e humbëm ndeshjen e parë dhe fituam ndeshjen e dytë e fituam Kupën, për shkak të fushës kundërshtare. “Derbi” më i bukur kujtoj në vitin 1979 ku dolëm 5-4, ku u gjuajtën edhe 5 penallti.
Si do ta vlerësoje këtë përballje të javës 14, nëse do riktheheshe edhe një herë në kohë te Dinamo?
Ndryshe nga ato që unë kam përjetuar në karrierë, këtë “derbi” të Dinamos me Tiranën e ndjejmë edhe nga ju gazetarët sportivë. Sot ka humbur interesi dhe stadiumet mbushen rrallë, por edhe kushtet e pabarabarta e bëjnë edhe më interesante këtë sfidë.
Aktualisht jashtë fushës së Dinamos, si mendoni se duhet përgatitur kjo ndeshje?
E veçanta është se ky “derbi” do luhet në Tiranë, jo siç është luajtur vite më parë jashtë kryeqytetit. Dinamo e ka detyrë fitoren, edhe pse është përballë Tiranës. Kërkon të jetë në zonën “Final 4”, dhe nuk duhet të gabojë si në ndeshjet e fundit. Nisur nga paraqitja në 13 javë, ku i mendoni pikat e dobëta të Tiranës, dhe si do kërkojë Dinamo suksesin?
Më vjen keq që skuadra më e titulluar në Shqipëri, me një tifozeri nga më të zjarrtat në Shqipëri ndodhet në këtë situatë. Nuk ka të garantuar timonierin dhe nuk kanë një drejtim të konsoliduar. Këtë duhet ta shfrytëzojë Dinamo për të marrë tri pikët.
Në këtë përballje “Derbi” të 153-të, çfarë kërkoni më shumë nga Dinamo nisur nga renditja e saj?
Dinamo ka ekip të konsoliduar, ka një President shumë serioz e korrekt, ka një trajner që dihet se në cilat nivele të larta drejton Ilir Daja, edhe pse disa largime sikur ja kanë prishur ekuilibrat. Ky “derbi” nuk do jetë i barabartë si ndër vite.
Kjo ndeshje luhet në javën e 14-të të Superiores, si e parashikon rezultatin: 1-X-2?
Duke mos qënë i dhënë me bastet sportive, e kam të vështirë ta përcaktoj. Gjithsesi, unë vetëm fitoren e Dinamos mendoj, pasi e përmënda më sipër për shumë arsye. Në këtë “Derbi” Dinamo do dalë fituese, dhe sipas basteve është 1.
ABISSNET SUPERIORE
SEZONI 2025-2026
Ndeshjet-Java e 13-të
E mërkurë, 3 dhjetor 2025
Teuta-AF Elbasani 16:30
Partizani-Bylis 16:30
Dinamo City-Tirana 19:30
E enjte, 4 dhjetor 2025
Vora-Vllaznia 13:30
Egnatia-Flamurtari 16:30
RENDITJA
Skuadrat Nd P
1.Egnatia 13 25
2.AF Elbasani 13 25
3.Vllaznia 13 24
4.Teuta 13 21
5.Dinamo City 13 20
6.Vora 13 15
7.Partizani 13 14
8.Bylis 13 13
9.Flamurtari 13 10
10.Tirana 13 7
Majtas ndeshjeve dhe renditjes
Te Vllaznia, Kallaku-Bismark mungojnë, Mala në dyshim
Te skuadra e Vllaznisë do ketë disa mungesa për sfidën e nesërme ndaj Vorës në transfertë. Sepse dëmtimet e futbollistëve po shndërrohen në një “makth” tek kjo skuadër, e cila thuajse çdo javë, që kur ka nisur edicioni nuk e ka pasur asnjëherë ekipin e plotë. Kështu ndodhi edhe në ndeshjen e fundit, të humbur 0-1 ndaj Teutës, ku tek shkodranët u larguan nga fusha tre futbollistë për probleme fizike. Fillimisht ishin Esat Mala dhe Sherif Kallaku që mbetën në dhomat e zhveshjes në pjesën e dytë, të cilët kërkuan ndërrim. Për të shtuar këtu “dhimbjet e kokës” shtohen edhe më lëndimin e radhës të Bismark.
Kreshnik Çipi e pranon: Kemi stadium, nuk kemi lojtarë
Gjatë një bashkëbisedimi mediatik dje, ish-kapiteni i Flamurtarit Kreshnik Çipi, në një analizë që i ka bërë skuadrës sonë, midis të tjerave u shpreh se lojtarët nuk kanë qënë të duhurit për këtë skuadër. “Flamurtari sot ka stadiumin, por nuk ka lojtarët e duhur, sepse ata që kanë ardhur në merkaton e verës nuk janë të duhurit. Ndaj duhet me patjetër që të bëjmë ndërhyrje në merkato, ndryshe situata nuk do të shkojë mirë dhe skuadra do mbetet në këto vënde të fundit në tabelën e renditjes. Por edhe Bashkia duhet të reagojë që të kemi fusha të tjera sportive në Vlorë, sepse është vetëm një te Pylli i Sodës”.
TIRANA/ BEDRI OMURI
Tiranës i ka mbetur vetëm emri, por dëshiroj të fitojë
Sa herë kujtoni se jeni përballur në karrierën tuaj në “derbin” me Dinamon, si lojtar apo edhe në pozicione të tjera?
Nuk i kam numëruar, por në karrierën e 12 viteve me Tiranën, luheshin nga dy “derbi” në vit, që do të thotë 24-25 gjithsej. Kanë qënë ndeshje të zjarrta e të bukura, sepse edhe Dinamo kishte ekip të mirë e lojtarë cilësorë dhe e denjë si konkurrente.
Cilën përballje “derbi” si lojtar i Tiranës e veçoni për karakteristikat e saj dhe rezultatin?
Kujtoj se përveçse kanë qënë të bukura, ndeshjet “derbi” me Dinamon ishin edhe me gola të shumtë, si 5-4 për Dinamon, 4-3 për Tiranën. Atëhere stadiumi “Qemal Stafa” mbushej në kapacitet maksimal, nuk diskutohej prania e madhe e tifozerisë.
Si do ta vlerësoje këtë përballje, nëse do riktheheshe edhe njëherë në kohë te Tirana?
Sot kanë ndryshuar shumë situatat, sepse janë në favor të Dinamos, që aktualisht është ekip i mirë. Tirana ka vite që sikur kërkon vetëm mbijetesën, por “derbi” është “derbi”, dhe besoj se do jetë i bukur, që edhe tifozeria të kënaqet në stadium.
Aktualisht jashtë fushës së Tiranës, si mendoni se duhet përgatitur kjo ndeshje?
Kjo ndeshje duhet të ketë vlerësimin maksimal, kjo është përgatitja më e madhe. Sepse “derbi” i prodhon të gjitha, por të shohësh 200-300 veta në stadium, ja humbasin bukurinë. Do ta vlerësoja maksimalisht, pavarësisht renditjes që kanë të dyja skuadrat.
Nisur nga paraqitja në 13 javë, ku i mendoni pikat e dobëta të Dinamos, dhe si do kërkojë Tirana suksesin?
Dinamo është më e konsoliduar si skuadër, në raport me Tiranën. Në të gjitha repartet ka individë që bëjnë diferencën në raport me Tiranën, e njëherësh duhet thënë se ka një trajner që e njeh mirë futbollin shqiptar.
Në këtë përballje “Derbi” të 153-të, çfarë kërkoni më shumë nga Tirana nisur nga renditja e saj?
Tiranës tani i ka mbetur vetëm emri, sepse për lojtarët nuk di të them se sa e njohin peshën e fanelës 26 herë kampione e futbollit shqiptar. Por unë do kërkoja që në këtë “derbi”, lojtarët e Tiranës ta vlerësojnë veten si 25 herë kampionë.
Kjo ndeshje luhet në javën e 14-të të Superiores, si e parashikon rezultatin: 1-X-2?
Dëshira ime është e madhe për ta fituar Tirana, por edhe barazimi nuk do jetë keq në një ndeshje “derbi” të tillë. Nga ana e saj, Dinamo është skuadër që të lejon të luash lirshëm në fushë, dhe pres një “derbi” të bukur dhe me gola.
