Humbja e Shqipërisë ndaj Francës 2-0 ditën e djeshme është komentuar gjatë nga mediat e huaja. Po kështu, për këtë ka edhe një koment në “Deutsche Welle”. Analisti Joscha Weber shkruan se Shqipëria në fushë ndaj Francës nuk kishte shumë dallim, edhe pse koeficientët e basteve sportive favorizonin dukshëm “Gjelat”. Sipas tij, Shqipëria sulmoi më shumë se Franca, por nuk arriti dot të finalizonte.
Rasti i Shqipërisë, sipas Weber, tregon se skuadrat “e vogla” po tregojnë se dinë të luajnë si të barabarta me “të mëdhenjtë”. Me dhënien e sinjalit të mbylljes së ndeshjes lojtarët me uniformë të bardhë u shtrinë në fushë, të prekur prej zhgënjimit dhe raskapitjes. Ata dhanë gjithçka, vrapuan, mbrojtën çdo skaj në fushë e u mbrojtën prej të gjithëve, por megjithatë e vazhduan luftën për të prekur portën e kundërshtarit duke e sfiduar me krenari Francën si vend organizator.
E më pas me dy gola në minutat e fundit humbën ndeshjen. Shqiptarët qëndronin të ulur apo të shtrirë në fushë të mundur. Ndërkohë që ata mund të ishin larguar me kokën lart prej Stade Vélodrome të Marsejës. Asnjë dallim klasash Shqipëria e fortë në këtë premierë në faza të caktuara luajti në një nivel me favoriten e turneut, Francën.
Për një Euro bast në fillim të turneut fitoje katër, në rast se Franca në fund do të fitonte. Për të njëjtën kuotë në bast fitoje 501 Euro, në rast se Shqipëria do të fitonte. Por nuk pati aspak një dallim të tillë mes të parit dhe të fundit në tabelën e garës së kampionatit. E Shqipëria nuk është rasti i vetëm me shembullin e saj në këtë kampionat.
Të ashtuquajturit “të vegjlit” deri tani vazhdojnë garën në EURO 2016, sepse UEFA e ka shtuar nga 16 në 24 numrin e ekipeve pjesëmarrëse dhe të sapoardhurit po tregojnë, se me nivelin sportiv ato i përkasin vërtetë këtij kampionati.
Austria e forcuar suprizoi me një fitore bindëse ndaj Islandës e gjithashtu duke e dëshpëruar me barazim 1:1 me Portugalinë Ronaldon, i shpallur tri herë sportisti botëror. Suedezët para katër vjetësh të klasifikuar si pa shanse papritur po demonstrojnë një futboll klasi, Ukraina po sfidon kampionen botërore, Gjermaninë, ekipet e Uellsit dhe Sllovakisë kanë secili nga një fitore në llogarinë e tyre. Një masë ekipesh sa për të shtuar koloritin në raundin e parë? Mais non! Vives les Outsiders… Modusi jo në rregull, por shtimi i ekipeve një fitore
Qysh tani po vërtetohet qartazi, se shtimi i ekipeve në Kampioantin Europian është një pasurim. Ndeshjet kanë treguar shumë më tepër cilësi nga sa pritej, grupet janë bërë mjaft interesante dhe numri i shtuar i ndeshjeve padyshim që i gëzon europianët e apasionuar pas futbollit. Natyrisht pas kësaj fshihet një ineteres i fortë financiar i UEFA-s, që me çdo ndeshje grumbullon para të majme. Natyrisht që zgjerimi i planit të ndeshjeve u arrit falë lojërave për pushtet brenda UEFAs, ku për të tilla masa sjellin vota federatat e vogla të futbollit.
E natyrisht nuk është në rregull modusi i zgjedhur, sipas të cilit në raundin e parë eliminohen tetë ekipe nga 24 gjithsej. Por “të vegjlit” e kanë merituar vendin e tyre. Pjesërisht me rendimentin e lartë në ndeshjet eliminatore e në radhë të parë me preznatimet e deritanishme dinjitoze në turne.
Në nivelin e klubeve futbolli europian përjeton një përqendrim sa të pashëndetshëm aq edhe monoton që po fokusohet gjithnjë e më shumë vetëm tek një grup i vogël i Big Playerve. Champions League me rregullat jo proporcionale të kualifikimit ka kohë që është bërë një Club fermé i klubeve të pasura.
Eshtë ndoshta lajmi i parë dhe pozitiv që tani marrin pjesë edhe ekipet e reja të vogla nga vendet më të dobëta financiarisht në Kampionatin Europian, një turne ky që zakonisht dominohet nga kryeartikuj negativ.
