KATEGORIA E PARË/ Në 27 javë, tabela e renditjes qartëson edhe verdiktet, Artan Bano analizon renditjen
Agron Kaja
Të gjitha ndeshjet e kësaj jave duken se janë interesante, përjashtuar ndeshjen e Tomorit me Flamurtarin në Vlorë. Përfundimisht do të thoja se në vendet e kreut në renditje është mbyllur verdikti, llogaritë do bëhen vetëm për fundin e tabelës
Kampionati i Kategorisë së parë të sezonit që po luhet, 20213-2024, duke qënë se po luan javën e 28-të, dukshëm evidenton se verdiktet thuajse janë të qarta. Nëse në kreun e renditjes AF Elbasani me Bylisin janë të pakapshëm, në zonën e katër skuadrave që do luajnë Play-off thuajse është përcaktuar grupi, në fundin e renditjes vetëm Tomori duket i dorëzuar si i rënë në Kategorinë e Dytë. Po si e mendon Artan Bano këtë renditje, duke u fokusuar më shumë te Lushnja? Ja si u shpreh ai për gazetën “Telegraf”, duke i analizuar të gjitha skuadrat, nga kreu në fund të tabelës. “Në fazën e tretë them se ka pasur pritshmëri më të mëdha, sepse financat janë të mëdha, infrastruktuar tani është shumë e mirë. Ndaj them se pritshmëritë ishin më të mëdha, jo vetëm për Lushnjen, por për të gjitha skuadrat e kësaj kategorie. Nga skuadrat e tjera më ka befasuar AF Elbasani dhe Bylisi me Flamurtarin. Risi ishte Vora, por edhe Luzi me një treshe shumë të mirë në sulm. Në tërësi, të gjitha skuadrat në Kategorinë e Parë të këtij sezoni i dhanë më shumë bukuri e rivalitet zhvillimit të garës”, kështu e nisi bisedën specialisti i futbollit Artan Bano, i cili më pas tregoi edhe parashikimin e tij për skuadrat, sipas renditjes së tyre aktuale. “Nuk më vjen mirë që Lushnja është në këtë nivel në renditje, në vendin e 8-të me 31 pikë, por të paktën të synojë që të arrijë në zonën Play-off (nga vendi 3-6). Për sfidat e tjera të javës së 28-të, unë mendoj se po luhet më shumë në vendet pas mesit të renditjes e në fund, se sa në vëndet e sipërme në tabelë. Kështu që të gjitha ndeshjet e kësaj jave duken se janë interesante, përjashtuar ndeshjen e Tomorit me Flamurtarin në Vlorë, sepse skuadra beratase është e rënë në Kategorinë e Dytë dhe nuk ka më shpresa mbijetese. Përfundimisht do të thoja se në vendet e kreut në renditje është mbyllur verdikti”. Por Bano tregon edhe për vazhdimësinë deri në mbyllje të kampionatit të kësaj kategorie. “Në javët e mbetura të Kategorisë së Parë, sfidat më të mëdha duken për skuadrat e renditura nga vëndi i 7-të e deri në të 11-in, ku lufta për mbijetesë përfshin pesë ekipe. E përmënda më sipër se Kategoria e Parë në këtë sezon ka përparuar shumë, është kampionat i fortë dhe me surpriza. Nga java në javë shohim se asnjë ndeshje nuk është e sigurtë dhe kundërshtarët nuk po maten nga renditja, por nga kualitetet që kanë në ekipet e tyre”, ishte kjo biseda me specialistin e futbollit shqiptar Artan Bano, lidhur me situatën në Kategorinë e Parë.
LEGJIONARËT NË MESJAVË
Dy kuqezinj për Juventusin, Mitaj dhe Shpendi në shënjestër
Tashmë është bërë i njohur interesimi që Juventusi ka shprehur për mbrojtësin e majtë të Kombëtares sonë, Mario Mitaj. Mëngjërashi mbetet në ethet e provës, e cila pritet që të vendoset gjatë ndeshjeve finale në Kampionatit Europian, që për Shqipërinë nisin më 15 qershor kundër Italisë. Dhe jo vetëm Mitaj mbetet “dashuri” për juventinët, sepse ka dalë në tregun e medias italiane edhe emri i sulmuesit të Kombëtares U21 të Shqipërisë, Kristian Shpendi. Edhe pse kanë mbetur ende disa javë për t’u luajtur në këtë sezon, skuadra e Çezenës ku luan Shpendi ka arritur që të sigurojë ngjitjen një kategori më lart, nga Serie C në Serie B të futbollit italian. Juventusi po e monitoron me seriozitet Kristianin, i cili në 30 ndeshje ka shënuar 21 gola me Çezenën.
Italianët zbardhin vendimin: Vetëm një lojtar shqiptar si vëndas
FSHF-ja publikoi ditë më parë një vendim që ka marrë nga Federata Italiane e Futbollit (FIGC) në mbledhjen e Komitetit Ekzekutiv të saj më 3 prill, ku lojtarët shqiptarë do të quhen si vendës, duke nisur nga sezoni i ardhshëm. Rregulloja në Serinë A e thotë se çdo ekip mund të federojë tre lojtarë që vijnë nga shtetet jashtë BE-së, por edhe tre të tjerë që vijnë po jashtë BE-së, por që janë prodhim i akademisë së klubit. Janë mbi 10 lojtarë shqiptarë që luajnë në Serinë A, dhe nga ky vendim përfitojnë Ismajli, Hysaj, Ramadani dhe Medon Berisha që kanë shtetësi shqiptare e kosovare. Ndërsa Asllani, Kumbulla, Dermaku, Kalaj dhe Shpendi kanë shtetësi italiane, Berisha ka shtetësi suedeze, Bajrami me Gjimshitin kanë edhe shtetësi zvicerane.
KATEGORIA E PARË
NDESHJET, JAVA 28
E shtunë, 6 prill 2024
Flamurtari-Tomori 15:00
Kastrioti-Luzi 2008 15:00
Burreli-Besa 15:00
Apolonia-Vora 15:00
Lushnja-Bylis 15:00
Korabi-AF Elbasani 15:00
RENDITJA
Skuadrat Nd Pikë
1.AF Elbasani 27 63
2.Bylis 27 61
3.Flamurtari 27 48
4.Vora 27 45
5.Apolonia 27 40
6.Korabi 27 40
7.Burreli 27 31
8.Lushnja 27 31
9.Kastrioti 27 27
10.Besa 27 25
11.Luzi 2008 27 24
12.Tomori 27 14
Tomori me elementë të rinj në Vlorë
Në javën e 28-të, Tomori shkon në Vlorë ku do ndeshet me Flamurtarin vendas. Klubi beratas e ka të qartë rënien në Kategorinë e Dytë e deri në fund të kampionatit do mbështetet tek elementët e rinj që i mendon për sezonin tjetër në Kategorinë e Dytë, por edhe për të plotësuar largimet që këtë javë kanë qënë të shumtë.