KATEGORIA E PARË/ Ish-futbollisti dhe trajneri i liqenorëve, Ardian Abazaj, analizon ecurinë e garës në 21 javë
Agron KAJA
Në këtë sezon të Kategorisë së Parë, skuadra e Pogradecit është një nga protagonistet, madje po lufton me Laçin për ngjitjen direkte nëAbissnet Superiore. Këtë situatë e përshkruan edhe ish-futbollisti dhe trajneri liqenor Ardian Abazaj, i cili dje për gazetën “Telegraf” po shkojmë drejt mbylljes së fazës së dytë dhe ndeshjet janë bërë shumë më të forta. Njëherësh, Abazaj tregon se braktisja e ndeshjeve nuk është normale dhe duhet që të ndëshkohet ky si fenomen. “Kategoria e Parë në vitet e fundit është bërë shumë e fortë dhe me rivalitet, pavarsisht problematikave që dalin gjatë rrugëtimit të garës. Sepse e gjithë shoqëria jonë i ka të tilla fenomene, por në gjykimin tim si specialist futbolli, unë nuk jam me braktisjen e një ndeshje. Për gjithçka që ndodh, ka se kush e gjykon. Gjithsesi, do thoja se kemi një kampionat të fortë dhe cilësor, sidomos nga tre skuadrat që renditen të parat: Skënderbeu, Laçi dhe Pogradeci”, kështu e nisi dje bisedën specialist i futbollit Adrian Abazaj, i cili për javën e 21-të veçon edhe 12 golat që u shënuan në 6 ndeshje, njëherësh edhe rezultatet që u arritën. “Nuk janë vetëm 12 golat tregues pozitiv për javën e 21-të. Unë do të shtoja edhe nivelin e mirë në disa ndeshje. Gjithsesi, duke u fokusuar te Pogradeci, duke ditur ecurinë e skuadrës, Apolonia ka qënë gjithmonë një kockë e fortë për të. Ndoshta goli i shpejtë i vuri në gjumë, dhe këtë duhet që ta disiplinojë skuadra, sepse ndeshja mbyllet kur bilbili i arbitrit e sinjalizon atë”. Këtë fundjavë, të shtunën dhe të dielën, Kategoria e Parë do të luajë ndeshjet e javës së 22-të, e cila është edhe java e fundit e fazës së dytë, nga ku formatohet renditja për fazën e tretë. Dhe për Abazajn, kjo do të jetë një javë e llogarive nga të gjitha skuadrat. “Formula e kampionatit e “ndez” javën e fundit të fazës së dytë. Referuar kalendarit dhe duke patur parasysh renditjen në 21 javë, kjo do të jetë edhe java e llogarive nga të gjitha skuadrat. Sepse çdo skuadër do kërkojë të përmirësohet në tabelë, dhe këtu dalim se do të kemi ndeshje të forta dhe të llogaritura për rezultatin. Ndërsa edhe Pogradeci kështu do ta presë Burrelin në fushën e tij ditën e dielë. Duke parë investimet dhe punët e mira që po bëhen me futbollin, them se Pogradeci do jetë pretendent kryesor për vëndin e dytë. Këtu besoj shumë se gjatë fazës së tretë do ta sfidojë Laçin. Ndërsa Laçi-Besa, e quaj kryendeshjen e kësaj jave”, ishte kjo analiza e Adrian Abazajt për 22 javët e luajtura në Kategorinë e Parë.
Të enjten Liga e Kombeve, Shqipëria në vazon e parë të shortit
Në muajin mars 2026, Kombëtarja e Shqipërisë do të luajë ndeshjet “Play Off” për kualifikim në Kupën e Botës. Në rast se nuk do të kualifikohet, përqendrimi do të jetë te Liga e Kombeve, aty ku Shqipëria dështoi herën e fundit. Në shortin zyrtar që do të hidhet më 12 shkurt në Bruksel, Kombëtarja do të marrë pjesë në Ligën C të edicionit 2026-2027 të UEFA Nations League. Ajo është e pozicionuar në vazon e parë për shortin e fazës së grupeve, ndërsa është bërë e ditur edhe ndarja e vazove. Kështu, pozicionimi në vazon e parë e vendos Shqipërinë mes përfaqësueseve me koeficientin më të lartë të kësaj lige, së bashku me ekipe si Islanda, Mali i Zi dhe Kazakistani. Ndërsa në vazot e tjera janë përfshirë përfaqësuese si Finlanda, Sllovakia, Bullgaria, Armenia, Bjellorusia, Qipro, Ishujt Faroe, Moldavia, Estonia dhe San Marino, si edhe fitues të ndeshjeve “play off” mes Ligës C dhe Ligës D. Ndërsa në Ligën e Kombeve të sezonit 2024-2025, Shqipëria dështoi në Grupin 1, ku në 6 ndeshje arriti 2 fitore, 1 barazim dhe 3 humbje. U rendit në vëndin e fundit që e zbriti në Ligën C.
Starti & Fituesit
UEFA Nations Leauge (Liga e Kombeve), ka nisur në vitin 2018-2029, fituese Portugalia; 2020-2021, fituese Franca; 2022-2023 fituese Spanja; 2024-2025, fituese Portugalia. Ky është turneu i 5-të.
Liga e Kombeve 2024
SHQIPËRIA-GRUPI 1
Shqipëri-Ukrainë 1-2
Shqipëri-Rep. Çeke 0-0
Gjeorgji-Shqipëri 0-1
Rep. Çeke-Shqipëri 2-0
Shqipëri-Gjeorgji 0-1
Ukrainë-Shqipëri 1-2
RENDITJA
Skuadrat Nd P
1.Rep. Çeke 6 11
2.Ukraina 6 8
3.Gjeorgjia 6 7
4.Shqipëria 6 7
Java e 22-të luhet në dy ditë, formatohet kalendari i fazës së tretë
Të shtunën dhe të dielën, në datat 14 dhe 15 shkurt 2026, Kategoria e Parë do të luajë ndeshjet e javës së 22-të, e cila është edhe e fundit për fazën e dytë. Pas këtyre sfidave, do të përcaktohet kalendari i fazës së tretë me formulën e zakonshme të përcaktuara nga FSHF-ja që në nisjen e sezonit. Mbetet vetëm përcaktimi i renditjes përfundmtare për fazën e dytë, e cila ditën e dielë datë 15 shkurt do jetë i zbardhur, sepse mbyllen të gjitha ndeshjet. Kështu, Kategoria e Parë ka hyrë në fazën më delikate të saj.
KATEGORIA E PARË
SEZONI 2025-2026
Ndeshjet-Java e 22-të
E shtunë, 14 shkurt 2026
AF Luftëtari-Kastrioti 13:30
Kukësi-Korabi 13:30
Laçi-Besa 13:30
Skënderbeu-Apolonia 16:30
E dielë, 15 shkurt 2026
Iliria-Lushnja 13:30
Pogradeci-Burreli 13:30
RENDITJA
Skuadrat Nd P
1.Skënderbeu 21 48
2.Laçi 21 45
3.Pogradeci 21 40
4.Kastrioti 21 30
5.Burreli 21 30
6.Iliria 21 26
7.Besa 21 25
8.Korabi 21 24
9.Apolonia 21 24
10.Lushnja 21 20
11.AF Luftëtari 21 16
12.Kukësi 21 12
Më të mirët e javës së 21-të, ja formacioni
Tradicionalisht, janë trajnerët e ekipeve kombëtare të moshave që përzgjedhin formacionin dhe trajnerin më të mirë të kampionatit Kategoria e Parë. Për javën e 21-të, formacioni më i mirë i javës është ndërtuar sipas skemën 1-4-4-2 dhe përfshin futbollistë nga disa ekipe. Në portë: Skander Tahri-AF Luftëtari; Në mbrojtje Xhuliano Markoçi-Iliria, Alesandro Kacbufi-Kastrioti, Arlind Kurti-Laçi dhe Kosta Vangjeli-Skënderbeu; Në mesfushë: Uilliam Kordeiro-Besa, Ildi Xhakaj-Burreli, De Oliveira-Pogradeci dhe Edmond Hoxha-Kastrioti; Në sulm:
Irdi Morina-Korabi dhe Anthony Umejiego-Apolonia. Trajneri më i mirë i javës është shpallur Alfred Deliallisi i Korabit.
