KATEGORIA E PARË
Fryma në skuadër optimiste, jemi ndërtuar si profesionistë
Agron KAJA
Pas humbjes në javën e 24-ët në Burrel, nga skuadra e Vorës është larguar trajneri Klodian Arbri, i dyti brenda këtij sezoni. Largimin e tij, Klodian Arbri e motivoi me humbjen që ai nuk e priste, dhe dorëheqien e quajti veprimin më normal. Kësisoj, drejtuesit e skuadrës vorake nuk kanë pritur shumë dhe ia kanë besuar drejtimin e skuadrës së tyre një emri të panjohur në trajningun e skuadrave në Kategorinë e Parë, Endri Zjarri, i cili ka qënë zëvendëstrajner te Vora që në nisje të këtij sezoni, njëherësh edhe zëvendëstrajner i Kombëtares Shpresa U21. Të hënën tekniku Zjarri nisi stërvitjen me skuadrën, ndërkohë që dje për gazetën “Telegraf” ai tregoi për këtë aventurë të re në karrierën e tij. “Unë isha zëvendëstrajner i Vorës që në fillimin e këtij sezoni, dhe si fillim unë nuk e prisja që Arbri të largohej. Por ai u largua pas një bashkëpunimi e drejtimi shumë profesional e korrekt, dhe drejtuesit më bënë mua ofertë të cilën e pranova, duke qënë se e njoh situatën e frymën e grupit, lojtarët dhe kataraktesrikat e tyre. Skuadra e Vorës ka një gjendje të mirë, si fizikisht ashtu edhe në aspketin tekniko-taktik. Në aspektin psikologjik do punojmë në ndeshjet pasardhëse për të arritur në kondicionin e duhur. Futbollistët janë profesionistë dhe do ta kuptojnë”, kështu e nisi bisedën tekniku i ri i Vorës, Endri Zjarri, i cili në fundjavë e ka ndeshjen e parë si trajner i parë i Vorës, pikërisht ndaj Kastriotit. “Fryma në skuadër është optimiste, sepse jemi skuadër profesioniste dhe synojmë të luajmë me kujdes deri në fund për të gjitha mundësitë, si vendet e kreut, ashtu edhe për Play-off-in. Kështu që ndeshja me Kastriotin është e vlerësuar maksimalisht. Për vetë pozitat që kemi dy skuadrat në renditje, por edhe synimet që janë për çdo skuadër, e presim që krutanët të jenë të motivuar ndaj nesh, dhe kësisoj e vlerësojmë një përballje të fortë, për të cilën Vora mendon vetëm fitoren. Kjo është në filozofinë e klubit, maksimumi në çdo ndeshje, ne do ta vazhdojmë garën me rritëm”. Ndërsa pas javës së 24-ët kampionati do të ndalet dhe tekniku i vorakëve e quan ndihmëse këtë hapësirë pa ndeshje zyrtare. “Në aspektin teknik, hapësira dyjavore pa ndeshje zyrtare mendoj se na ndihmon për të qartësuar disa module të lojës, por edhe për qartësinë taktike që duhet të ndërtojmë për çdo kundërshtar që do ndeshemi deri në fund. Ky sezon në Kategorinë e Parë ka patur nivel të mirë, me rivalitet të lartë dhe me ndeshje të mira. Nëse duhet të jetë më mirë, ndoshta duhet pak më shumë futboll sulmues dhe veprime me topin”, kështu e mbylli bisedën teknkiku i ri i Vorës, Endri Zjarri, i treti trajner që e drejton Vorën brenda sezonit 2023-2024. Artan Mergjyshi dhe Klodian Arbri, janë trajnerët që kanë drejtuar skuadrën e Vorës gjatë këtij sezoni.
KOMBËTARJA U 21/ “EURO 2025”
Trajneri Bushi: Me Finlandën ndeshja e jetës
SHQIPËRIA/ GRUPI E
Ndeshjet-Rezultatet
Armeni-Shqipëri 1-2
Shqipëri-Rumani 3-2
Finlandë-Shqipëri 4-1
Shqipëri-Mali i Zi 2-0
Rumani-Shqipëri 5-0
Datë 22 mars 2024
Shqipëri-Finlandë 17:00
Datë 26 mars 2024
Shqipëri-Zvicër 17:00
Dje në mesditë, trajneri i Kombëtares sonë Shpresa (U21), Alban Bushi, ka bërë publike listën e lojtarëve që ai ka menduar ti grumbullojë për dy ndeshjet kualifikuese të “Euro 2025”, më 22 mars me Finlandën, dhe në 26 mars me Zvicrën. Dukuria e parë është se Bushi në këtë listë ka zgjedhur 10 futbollistë që luajnë në kampionatin shqiptar “Janë 10 lojtarë nga kampionati shqiptar, por në listë nuk kemi ndryshuar shumë. Kemi pësuar dy humbje të turpshme, por i kemi harruar ato dhe në futboll them se duhen harruar si fitorja, si humbja ditën e nesërme. Të gjitha ndeshjet janë të vështira, Finlanda luan më mirë së Zvricra dhe Rumania. Për ne kjo është ndeshja e jetës dhe japim maksimumin, do sakrifikojmë për të shkuar në Europian”, kështu u shpreh dje Bushi në konferencën për mediat.
RENDITJA
Skuadrat Nd Pikë
1.Zvicra 5 11
2.Rumania 5 10
3.Shqipëria 5 9
4.Finlanda 4 6
5.Mali Zi 3 3
6.Armenia 6 1
7 qershor: Mali Zi-Shqipëri
6 shtator: Zvicër-Shqipëri
15 tetor: Shqipëri-Armeni
Dorian Bubeqi në stolin e Besës, rikthim në origjinë
Pasi zëvendësoi Lorenc Pashjen, kosovari Fidaim Haxhiu nuk qëndroi gjatë në stolin e Besës. Humbja 0-5 me AF Elbasanin në javën e kaluar nuk u tolerua nga Presidenti i skuadrës, Nexhat Bizhdili. Menjëherë ai ka vendosur në drejtimin e skuadrës Dorjan Bubeqin, ish-futbollist dhe ish-trajner i Besës. Dorian Bubeqi është trajneri i tretë që drejton Besën brenda sezonit në vazhdim, 2023-2024.
KATEGORIA E PARË
NDESHJET, JAVA 25
E shtunë, 16 mars 2024
Bylis-Besa 14:00
Vora-Kastrioti 14:00
Flamurtari-Lushnja 14:00
Tomori-Luzi 2008 14:00
AF Elbasani-Burreli 14:00
E dielë, 17 mars 2024
Apolonia-Korabi 14:00
RENDITJA
Skuadrat Nd Pikë
1.AF Elbasani 24 56
2.Bylis 24 55
3.Vora 24 45
4.Flamurtari 24 45
5.Apolonia 24 35
6.Korabi 24 35
7.Burreli 24 28
8.Lushnja 24 27
9.Kastrioti 24 23
10.Besa 24 19
11.Luzi 2008 24 18
12.Tomori 24 14
