Paris Hilton u martua me sipërmarrësin Carter Reum të enjten në pronën e gjyshit të saj të ndjerë. Ajo u shfaq fillimisht me një fustan nga Oscar de la Renta.
“Kemi kaluar muaj duke e dizajnuar fustanin tim në perfeksion me stilistët e mrekullueshëm të Oscar de la Renta, Fernando Garcia dhe Laura Kim,” tha Hilton për Vogue për stilin e saj të nusërisë.
“Më pëlqen se si doli. Doja diçka që të ishte e përjetshme, elegante, chic dhe ikonike dhe jam shumë e lumtur.”
Për ceremoninë e pritjes së të ftuarve, Paris veshi një fustan nga Ghalia Lav, me mëngë të varura dhe bust në formë korseje.
Paris u shfaq edhe më një fustan të dizajneres Pamella Roland, të dekoruar me kristale dhe pelerinë.
Pastaj me një fustan të shkurtër, gjithashtu nga Oscar de la Renta.
Por nuk mbaron këtu. Në ditën e tretë të festës, Paris u largua pak nga look-u i nuses.
Festimet vazhduan edhe në formën e një mini-festivali karnavalesh, në të cilin Paris veshi një fustan të personalizuar nga dizajnerja Stacey Bendet, me një tyl rozë neon dhe detaje kristali.
Festimet e dasmës u filmuan dhe do të jenë pjesë e dokumentarit me 13 episode, “Paris in Love”.
“Doja që fansat të shihnin se e gjeta princin tim simpatik dhe pata dasmën time të përrallave,” i tha Hilton së fundmi Jimmy Fallon.
Çifti, i cili u fejua në shkurt pas një propozimi romantik buzë plazhit, nisën lidhjen në nëntor të vitit 2019.
“Ne thjesht patëm një kimi të jashtëzakonshme,” tha Paris për People në vitin 2020. “Ne patëm takimin tonë të parë dhe që atëherë nuk kemi kaluar asnjë natë të ndarë. Është shumë e mahnitshme.”
