Beteja me sëmundjen e lupusit që në 2013-ën, transplanti i veshkës në vitin 2017, lufta me ankthin e depresionin si edhe ndarja me Justin Bieber, ndikuan negativisht në gjendjen fizike e emocionale të Selena Gomez.
Këtë të premte, grupi më i famshëm koreano-jugor i momentit “BLACKPINK” ka publikuar bashkëpunimin muzikor me Gomez, “Ice Cream”.
Në videoklipin e këngës tepër ritmike e energjike, Selena dhe grupi i vajzave shfaqen me veshje të frymëzuara nga vitet 1950 dhe 1970.
Skenat e këngëtares amerikane më sensacionale se kurrë, duke performuar në një makinë akulloresh, janë regjistruar në SHBA për shkak të pandemisë.
“Ice Cream” ka tërhequr vëmendjen e të gjithëve duke tejkaluar shifrën e 36 milionë klikimeve në Youtube pa kaluar ende 24 orë që nga momenti i publikimit të këngës.
