Një lajm i bujshëm showbiz-i ka “ndezur” verën e vitit 2020. Revista e njohur italiane “Chi” raporton se mes Zlatan Ibrahimoviçit dhe Diletta Leotta ka lindur ‘shkëndija’.
Siç thekson e përjavshmja italiane, gjithcka ka nisur falë një kompanie fitnesi që i ka zgjedhur ata si reklamues, duke i bërë që të kalonin kohë së bashku, madje edhe një darkë në Sardenjë.
Zlatan Ibrahimoviç dhe gazetarja e njohur e sportit, Dileta Leota, tërhoqën vëmendjen e të gjithëve me këtë reklamë.
Burimi i sipërpërmendur raporton se të dy janë parë teksa ishin duke darkuar së bashku në një lokal të Sardenjës.
Për gazetaren e “DAZN” nuk do të ishte diçka e madhe kjo, pasi pak kohë më parë u nda nga boksieri Daniele Skardina dhe është beqare, por nuk mund të thuhet e njëjta gjë për Ibrën. Ky i fundit është i martuar me Helena Seger, me të cilën ka një lidhje prej 20 vitesh.