Firma britanike e inteligjencës artificiale (AI) në pronësi të Google, ka zgjidhur një nga misteret më të vështira dhe më të qëndrueshme të shkencës.
Sistemi AI i firmës, AlphaFold, ka thyer atë që njihet si ‘problemi i palosjes së proteinave’, duke kuptuar se si sekuenca e aminoacideve të një proteine dikton strukturën e saj atomike 3D.
Studiuesit kanë kohë që janë ballafaquar me kompleksitetin e gjerë të proteinave, të quajtura shpesh blloqet ndërtuese të jetës.
Forma e tyre diktohet nga miliona ndërveprime të vogla midis këtyre molekulave dhe deshifrimi i formës së tyre 3D është një detyrë e mundimshme që kërkon punë disa vjeçare dhe pajisje të specializuara për tu zgjedhur.
Njohja e formës së një proteine do të thotë se studiuesit mund të parashikojnë se sa efektive do të jenë ilaçet dhe rolin që luan proteina në trup.
Shkencëtarët kanë kaluar 50 vjet duke u përpjekur të gjejnë një mënyrë për të parashikuar me shpejtësi strukturën e një proteine.
AlphaFold u krijua posaçërisht për këtë detyrë dhe u trajnua për 170,000 proteina dhe strukturat e tyre individuale, të cilat më parë ishin përcaktuar në mënyrën e modës së vjetër.
Sistemi AI ka regjistruar një rezultat mesatar të saktësisë prej 92.4 nga 100 për parashikimin e strukturës së proteinave dhe një rezultat prej 87 në kategorinë e proteinave më sfiduese.
Për shkak se pothuajse të gjitha sëmundjet, përfshirë kancerin dhe Covid-19, kanë të bëjnë me strukturën 3D të një proteine, AI mund të hapë rrugën për zhvillimin më të shpejtë të trajtimeve dhe zbulimeve të ilaçeve duke përcaktuar strukturën e proteinave të panjohura më parë.
