Ka përfunduar pas disa minutash mbledhja e Grupit Parlamentar të Partisë Socialiste, ku deputetët u thirrën nga vet kryeministri Edi Rama.
Fokus i mbledhjes kanë qenë zgjedhjet e 14 majit, ku numri një i qeverisë ka dhënë dhe një ‘urdhër’ për deputetët.
Burime bëjnë me dije se kryeministri Rama ka kërkuar nga deputetët që të mbajnë përgjegjësi për rezultatin e zgjedhjeve në zonën e tyre.
“Secili deputet do te mbajë përgjegjësi për zonën e tij, për rezultatin e partisë në zgjedhjet e 14 majit. Asnjë deputet mos të kërkoj për kandidat për kryetar bashkie, sidomos këta të Vlorës që kanë dy vjet deputet. Me Vlorën do merrem vet personalisht”- tha Rama.
Mësohet se në mbledhje nuk ka qenë i pranishëm ish-ministri Arben Ahmetaj.
