Në një takim me banorët e fshatit Bërshi, në Bashkinë Klos, drejtuesi politik i qarkut të Dibrës ,Xhelal Mziu zhvilloi një bashkëbisedim të hapur mbi sfidat e rënda që ka përjetuar zona gjatë 12 viteve të fundit.
Ai e përshkroi këtë periudhë si një cikël të gjatë keqqeverisjeje, që ka prodhuar mungesë investimesh, shpopullim alarmant dhe braktisje të sektorëve kyç si bujqësia dhe arsimi. Sipas tij, qeveria aktuale ka harruar qytetarët dhe ka ndëshkuar ata që punojnë e kontribuojnë për komunitetin.
Në këtë kuadër, Mziu prezantoi platformën qeverisëse të PD-së për vitet 2025–2029, duke theksuar se ajo përfaqëson një plan të ndershëm dhe të ndërtuar mbi prioritetet e qytetarëve. Me theks te rikthimi i shpresës dhe dinjitetit, ai deklaroi se PD do të sjellë një qeveri që dëgjon, që vepron dhe që punon për njerëzit.
