Prof. Dr. Enver Bytyçi: Shqipëria nën sundimin e Serbisë!?

64
Sigal

/Gazeta TELEGRAF

Sot(dje) në Shkup u bë tentativa e katërt për krijimin e Jugosllavisë së re nën sundimin e Serbisë. Ka shumë detaje ku fle djalli. Por po veçoj vetëm dy: Aleksandër Vuçiç tha se në vitin 2015 (në fakt ishte tetori e nëntori i 2014-ës) ne u takuam me Edin si armiq. Duke e theksuar këtë presidenti i Serbisë tha se atëhere e bëmë këtë për konsum të brendshëm. D.m.th për të fituar kapital politik Edi te shqiptarët dhe Vucici te serbët. Këtë konstatim e kam theksuar një ditë pas takimit Rama-Vuçiç në Beograd në fund të nëntorit 2014. Madje kam thënë se të dy janë dakorduar që të reagojnë në atë mënyrë, sepse në fillim u duhej të rrisnin prestigjin, për të realizuar plane të tjera kundër Kosovës! Edi Rama tha se Europa është një Jugosllavi e madhe, ndërsa minishengeni është një Jugosllavi e vogël. Edhe ky pranoi se deri tani e në vazhdim me minishengenin synon krijimin e një Jugosllavie, që në fillim i duket e vogël, por që shqiptarëve do t’u dalë guxhe, siç thotë i madhi Çun Lajçi!