Presidenti uron për ditëlindjen mesfushorin e Tiranës së viteve ’60 Luigj Bytyci
Presidenti Ilir Meta ka uruar sot për 80-vjetorin e lindjes, ish-futbollistin e ekipit të Tiranës, Luigj Bytyçi.
Në mesazhin e publikuar në Facebook, Presidenti Ilir Meta vlerëson karrierën e futbollistit të njohur.
Mesazhi i kreut të shtetit në Facebook:
Luigj Bytyçi, mesfushori brilant i Tironës⚪🔵 legjendare të viteve ’60-’70, mbush sot 80 vjeç.
Në vitet ’60-’70, kulmore të talentit të tij, Luigji u përkëdhel nga tifozët si “Bixh balerina” pikërisht për elegancën në fushën e blertë, intuitën unikale, teknikën e jashtëzakonshme, aftësitë e spikatura si organizator, si edhe për golat e shënuar.
Gjatë karrierës së spikatur Bixhi ka dalë kampion edhe me Partizanin në vitin 1961, si dhe ka fituar edhe dy kupa me të kuqtë në vitet 1961 dhe 1963.
Por me Tironën⚪🔵 ai do të shpallej katër herë kampion i Shqipërisë: ’64-65, ’65-’66, 1968 dhe ’69-’70.
Ndaj edhe në këtë vit jubilar të kremtimit të 100-vjetorit të Tironës kryeqytet, uroj që ekipi bardhë e blu të arrijë rezultate të larta mbështetur mbi këtë model e trashëgimi të vyer të brezit të futbollistëve të viteve ’60-’70.
Shëndet dhe jetë të gjatë Bixhit! ⚪🔵⚽🇦🇱
