Në programin e Partisë Demokratike përfshihet përgjysmimi i tarifave për studentët në universitetet publike si dhe heqjen e tarifave për arsimin profesional.
Partia Demokratike prezantoi të mërkurën planin për hartimin e Programit Arsimit dhe të Kërkimit Shkencor për vitet 2025-2029. I pranishëm me fjalën e tij në mbledhje ishte edhe lideri demokrat Sali Berisha i cili u zotua për rritje të pagave për mësuesit dhe për investimet në infrastrukturën e arsimit: “Dyfishim dhe objektiv drejt trefishimit të rrogave të arsimtarëve. Në mandatin e parë nuk do të ketë rrogë ndër 1300 Euro në arsimin shqiptarë. Nuk do të ketë rrogë ndër 2000 Euro në universitetet e vendit. Në programin e Partisë Demokratike përfshihet përgjysmimi i tarifave për studentët në universitetet publike si dhe heqjen e tarifave për arsimin profesional. Do të shndërojmë sistemin arsimor në promotor kryesor të transformimit të vendit. Do të lëvizet me shpejtësi në të gjitha këto drejtime. Qeveria “Rama” shkatërroi sistemin e arsimit. Braktisi përpjekjen për konsolidimin e mëtejshëm të këtij sistemi dhe për rrjedhojë pati atë rrokullisje që nuk e ka njohur asnjë vend tjetër. PD e drejtuar nga Berisha ka nisur punën për hartimin e programit me të cilin do të kërkojë votën e qytetarëve, por për selinë blu mbetet sfidë riorganizimi i strukturave në të gjithë vendin.” PD në përfundim të hartimit të programit për arsimin dhe shkencën paraqiti pikat kryesore. Investimi për arsimin dhe shkencën në 5 % të PPB, investim për të ardhmen, që do të përdoret për të realizuar:
- Rritja e pagave të mësuesve dhe pedagogëve mbi mesataren e Rajonit të Ballkanit; përgjysmimin e tarifave të studentëve në universitetet publike, reformimin e gjithë sistemit arsimor dhe përgatitja e Mësuesve të Gjeneratës së re“.
- Digjitalizimi i shpejtë, sipas standardeve më të mira ndërkombëtare të arsimit, në të gjitha aspektet;
- Shkolla dhe Universitete moderne në çdo nivel;
- Në fokus do të jenë politika të veçanta për arsimin në Shqipërinë e harruar dhe të shpopulluar, për rritjen e eksesit në arsim dhe nxjerrjen nga prapambetja e madhe e tij në zonat më të varfëra dhe më të rrezikuara nga shpopullimi, Bursa dhe Zero tarifa për çdo nxënës të arsimit profesional dhe për çdo student nga këto zona!
- Standarde ndërkombëtare në shkollim për çdo nxënës e student. Nivelet e testeve kombëtare (Provimi i lirimit, Matura) dhe të diplomave universitare përafrohen me standardet ndërkombëtare.
- Orientimi i arsimit të mesëm dhe të lartë profesional kah kërkesave të tregut të punës, përmes programeve të praktikave financuar, nxënësit dhe studentët përfitojnë semestra Intership-i të paguar.
- Reformimi tërësor i universiteteve dhe shkollave tona të larta në organizimin institucional, në programet e studimit, kërkimin shkencor dhe transferimin e njohurive e shërbimeve, duke u klasifikuar në rankimet internacionale sipas fushave, përkrah universiteve më të mira të Rajonit.
- Kthesë rrënjësore në kërkimin shkencor në universitete: 10-fishimi i investimit për kërkimin si rruga kryesore për rritjen e cilësisë së arsimit të lartë dhe shfrytëzimit të potencialit krijues të komunitetit akademik të universiteteve për zhvillimin e gjithanshëm të vendit.
- PD do të aplikojë praktikat për të mira internacionale për stimulimin e investimit privat në arsimin profesional, kërkimin, zhvillimin dhe inovacionin, në mënyrë që ai të arrijë në rreth 1,5 % të PBB.