Ministri i Drejtësisë, Ylli Manjani ka urdhëruar pezullimin e drejtorit të Burgut të Fierit.
Ky vendim erdhi pas publikimit të një video, ku të dënuarit lajnë makinën e drejtorit dhe të administratës së burgut. Manjani është shprehur se Burgu nuk është një institucion privat.
“ Burgu nuk eshte nje institucion privat. Cdo i burgosur duhet trajtuar me dinjitet si cdo person tjeter. Vijimi i procedurave administrative ndaj ketij rasti pas kthimit te Ministrit Manjani”, thuhet në një reagim të ministrisë së Drejtësisë.
Videoja ku tregohen të dënuarit që lajnë makinën personale të drejtorit të burgut Fier, Arjan Hasani u publikuan në Balkanweb.
