Kryetari i Partisë Demokratike, Lulzim Basha ka reaguar pas intervistës televizive të Xhisiela Malokut, mbrëmjen e sotme. Kreu i PD e quan tronditës faktin që një e mbijetuar e përdhunimit dhe e dhunës të mohojë përdhunimin dhe torturën për të mbetur gjallë.
Basha akuzon Rrahman Rrahjan se është pjesë e një prej bandave kriminale që sundojnë dhe terrorizojnë Shqipërinë.
“Sot në Shqipëri nuk ka më as polici, as prokurori, as drejtësi as parlament. Parlamenti dhe drejtësia kanë rënë, dhe në vend të tyre sundon banda e Ramës, Rrajëve, Habilajve, Bajrëve, Shullazëve me shokë” tha kreu i PD-së.
Reagimi i plotë i Bashës
Është tronditëse të shohësh një të mbijetuar të përdhunimit dhe të dhunës të mohojë përdhunimin dhe torturën për të mbetur gjallë!
Xhisiela e di shumë mirë se çfarë kriminelësh gjakftohtë dhe të pamëshirshëm janë ata, ai që e përdhunoi dhe ata që e mbrojnë përdhunuesin, ndaj ajo bëri sot atë që bën çdo njeri i tmerruar që kërkon të mbijetojë: mbrojti veten dhe familjen e saj.
Rrahman Rraja është pjesë e një prej bandave kriminale që sundojnë dhe terrorizojnë Shqipërinë. Sot në Shqipëri nuk ka më as polici, as prokurori, as drejtësi as parlament. Parlamenti dhe drejtësia kanë rënë, dhe në vend të tyre sundon banda e Ramës, Rrajëve, Habilajve, Bajrëve, Shullazëve me shokë.
