Kryetarja e LRI-së, Floida Kërpaçi ka reaguar ndaj kryeministrit Rama me anë të një postimi në rrjete sociale, duke e quajtur atë një të krye çmendur, i cili në vend që të flasë për shtimin e testimeve, për masat për të mbrojtur mjekët, për dezinfektimin e shkollave, për të sëmurët në shtëpi merret me opozitën.
“Megjithatë rri i qetë, në 25 prill do të marrësh përgjigjen nga ‘Mona Maradona’ dhe të gjithë të rinjtë e Shqipërisë.” – shkruan ajo.
Postimi i plotë:
Krye i çmenduri i Shqipërisë në vend që të flasë për shtimin e testimeve, për masat për të mbrojtur mjekët, për dezinfektimin e shkollave, për të sëmurët në shtëpi merret me opozitën.
I mbaruari, duhet të flasë për tenderët sekretë dhe plehrat që kërkon të mbushë Shqipërinë e të mos përdorë sulmet ndaj opozitës për t’i hedhur hi syve shqiptarëve nga PPP-të dhe tenderët korruptivë.
Megjithatë rri i qetë, në 25 prill do të marrësh përgjigjen nga ‘Mona Maradona’ dhe të gjithë të rinjtë e Shqipërisë.
