Presidenti Ilir Meta teksa ka risjellë në vëmendje disa vargje të një poezie të Ali Asllanit, ka bërë me dije se ka vizituar Vajzën, vendlindjen e poetit.
Përmes një postimi në “Facebook” Meta theksoi se nuk mund të ikte nga Lumi Vlorës pa u përulur me respekt e nderim para jetës dhe veprës së këtij atdhetari të spikatur.
MESAZHI I METES
“Jam vlonjat dhe trim me besë,
Rreth flamurit di të vdesë,
A me hir a me pahirë,
Doemos do rroj i lirë!”
Në Vajzë, vendlindjen e poetit të shquar të Lirisë, Ali Asllani, vargjet e ndritura të të cilit kanë frymëzuar përpjekjet e popullit tonë për liri dhe progres demokratik.
Nuk mund të ikja nga Lumi Vlorës pa u përulur me respekt e nderim para jetës dhe veprës së këtij atdhetari të spikatur, përherë i gjallë mes nesh me poezitë e Tij aktuale në çdo kohë.
