Edi Rama, vizitë surprizë në SHBA për këshilltarin e tij

571
Kryeministri Edi Rama ka udhëtuar pak ditë më parë drejt Shteteve të Bashkuara, në një vizitë të shkurtër dhe të pa njoftuar më parë. Ai ka marrë pjesë në një takim përkujtimor të dielën në Ipsuiç (Masaçustes) për nder të Arthur Finkelstein, ish-këshilltar i shefit të qeverisë dhe një lobist e mbledhës i njohur fondesh. Në këtë përkujtimore kanë marrë pjesë edhe figura të njohura të jetës politike amerikane si Ari Fleischer, JoAnne Barnhart, Al D’Amato, Connie Mack, George Pataki, David Cornstein dhe Barbara Fiala. Gjithashtu, në ceremoni janë lexuar edhe mesazhet e kryeministrit izraelit Benjamin Netanjahu dhe kryebashkiakut të Jeruzalemit, Nir Barkat.

Arthur Finkelstein u nda nga jeta më 18 gusht 2017 pas një sëmundjeje në mushkri. Edi Rama i ka besuar këshillave të Arthur Finkelstein në disa nga betejat e tij politike. Finkelstein udhëhoqi fushatën e zgjedhjeve lokale të vitit 2007, ku Edi Rama fitoi mandatin e tretë në krye të Bashkisë së Tiranës. Edhe në zgjedhjet e 2009-ës ishte pikërisht Finkelstein që konsultoi Ramën në përgatitjen e fushatës dhe i rekomandoi një nga kompanitë më të mëdha në SHBA, siç ishte “Kidron Strategies” e amerikano-izraelitit George Birnbaum.
Sigal