Kryetari i PD, Sali Berisha tha se reagimi kolektiv i zonjave socialiste ishte si ‘miza pas veshit’.
Lideri i opozitës foli pas seancës së Kuvendit dhe tha se akuzat e tij për skandalin McGonigal kishin në fokus aferat e tij në ambientet pub-e dhe club-e të Tiranës. Por shtoi se nuk do të publikojë në media video apo foto të karakterit erotik, që siç tha, i disponon.
“Unë ua thashë në parlament. Çdo të dhënë unë do të ua dorëzoj komisioneve hetimore parlamentar këtu e në SHBA”, tha Berisha.
I nxitur nga qëndrimi i ministreve socialiste, Berisha tha se do hetojë dhjetë herë më shumë për skandalet dhe aferat e tjera të McGonigal në Tiranë.
Deklarata e Berishës pas seancës së Kuvendit:
Ju e patë.
Edi Rama i damkosur me skandalin McGonigal kishte bindur zonjat e PS-së në parlament se akuzat e mia dhe se skandali McGionigal nuk kishte në epiqendër Edi Ramën, por disa afera, aksesore në pabet dhe klubet e Tiranës. Po kishte turp më të madh se sa të protestonin për deklarata unë i kam bërë në konferencë shtypi, takim me gazetarë dhe të shpreheshin sikur ishte secila prej tyre e akuzuar. Unë ua thashë në parlament. Çdo të dhënë unë do të ua dorëzoj komisioneve hetimore parlamentar këtu e në SHBA.
Në natyrën time nuk keni parë kurrë të publikuar ndonjëherë në FB, asnjë video apo foto të karakterit erotik sepse unë nuk merrem me to. Në këtë rast, fakti që reaguan kaq fuqishëm këto zonja, më bën mua të hetoj edhe tre herë më shumë në çdo drejtim. Tani ky reagim kolektiv i zonjave socialiste ishte miza pas veshit. Atëherë unë do të hetoj edhe dhjetë herë më shumë për ti shkuar deri në fund edhe kësaj piste, krejtësisht tretësore. Problemi kryesor, ‘Rama-McGonigal gate’ është Edi Rama, nuk janë aksesorët, ngjarjet terciare në pabet e Tiranës. Populli do të flasë.
Pyetje: Jeni i kënaqur me popullin?
Berisha: Jam i kënaqur dhe janë heronj të vërtetë. Janë të gatshëm të futen në sallë në momentin që do ta konsiderojnë oportune.
Pyetje: Futja në sallë a shkon me deklaratat tuaja paqësore?
Berisha: Edhe ajo paqësore është, paqësore. Ne jemi paqësor. Jo mund të futet dhe të rrijë aty në greve urie. Të gjitha janë paqësore. Kjo që dëgjuam sonte, është për rekord Giunes. Si ka mudësi, ajo është zonjë, nënë, grua. Si ka mundësi që ajo të bëjë një deklaratë të tillë për mikun e Edi Ramës, që e korruptoi. Edi Rama kërkon të zhurmojë.
Pyetje: A mendoni se përdorimi i videove erotike mund ta kalojë nga një skandal politik në erotik.
Berisha: Kërkon Edi Rama, por kjo nuk do të ndodhë. Edi Rama kërkon ta paraqesë si një turist seksi në Shqipëri, por unë nuk e pranoj kurrë të tillë.
Pyetje: Çfarë ndodh nëse nuk e merrni vulën e PD?
Berisha: Vula e Partisë Demokratike është vetëm e Partisë Demokratike.
