2 marsi, Presidenti Meta falënderon Bujar Kapexhiun: Vetëm mbrojtja e Kushtetutës na mbron nga rreziqet e brendshme

330
Sigal

Presidenti i Republikës, Ilir Meta, ka falënderuar një tjetër artist që ka deklaruar mbështetjen për 2 marsin.

Në një postim në “Facebook”, Presidenti Meta shkruan:

Një falënderim për Profesor Bujar Kapexhiun për solidarizimin me 2 Marsin dhe përgjegjshmërinë e tij qytetare, intelektuale dhe patriotike.
Ke të drejtë Profesor, Kushtetuta duhet të bëhet për çdo shqiptar Bibla dhe Kurani ynë. Të jetë e paprekshme dhe e padhunueshme me ligje anti-kushtetuese sot e përgjithmonë.
Kush cenon Kushtetutën do të jetë armiku i popullit tonë, sepse vetëm mbrojtja e Kushtetutës na mbron nga rreziqet e brendshme si tirania dhe arbitrariteti, por edhe nga rreziqet e jashtme që janë shtuar.
Vetëm Kushtetuta na mban të bashkuar! 🇦🇱
#PërKushtetutën #PërRepublikën #PërShqipërinë #PërKombin