Disa nga të ftuarit e famshëm që morën pjesë në dasmën luksoze në Mumbai të Anant Ambani dhe Radhika Merchant u larguan me mbi “3 milionë dollarë me vete”. Nga Kim Kardashian, Khloé Kardashian, Nick Jonas, Priyanka Chopra deri te John Cena ishin në mesin e atyre që morën pjesë në festën shumëditore, me disa që iu dhuruan avionë privatë dhe iu dhanë bizhuteri dhe dhurata.
Mësohet se disa prej tyre u lejuan të mbanin disa prej bizhuterive të çmuara që vendosën në dasëm ku shumica prej tyre ishin me diamantë dhe gurë tejet të rrallë. Të pranishmit e tjerë me emra të mëdhenj përfshinin interpretues si Luis Fonsi dhe Rema, ndërsa Rihanna, Justin Bieber, Andrea Bocelli, Backstreet Boys, David Guetta, Katy Perry dhe Pitbull performuan në ceremonitë para dasmës.
“Performuesit u paguan të gjithë 50 përqind mbi vlerën e tyre të tregut,” tha burimi i parë për Us Weekly, duke shpjeguar se kjo do të ishte kostoja e tyre tradicionale e performancës. Rihanna, e cila thuhet se mori mbi 6 milionë dollarë për shfaqjen e saj të marsit, “do të ishte paguar 10 milionë dollarë” për këtë martesë, sipas burimit.
Bieber nga ana tjetër, fitoi 10 milionë dollarë për setin e tij para ceremonisë. The Guardian zbërtheu koston e mundshme të dasmës së vitit, duke e vlerësuar atë të jetë mbi 600 milionë dollarë.
Babai i dhëndrit 29-vjeçar është miliarderi Mukesh Ambani, kryetar dhe drejtor menaxhues i Reliance Industries dhe nëna e tij është filantropistja Nita Ambani. Përpara ditës së tyre të madhe, Mukesh u dhuroi të porsamartuarve një vilë me 10 dhoma gjumi prej 80 milionë dollarësh me një plazh privat në Palm Jumeirah në Dubai.
Sa i përket nuses, gjithashtu 29-vjeçare, ajo është vajza e manjatëve farmaceutikë Viren Merchant dhe Shaila Merchant.
