Akrepi, shenja misterioze e zodiakut ka hyrë në sezonin e saj dhe deri më 22 nëntor do të jetë shenja më me fat! Megjithatë në këtë artikull nuk do të parashikojmë muajin për ta, por do të flasim për karakteristikat dhe tiparet që bëjnë akrepët të jenë ata që janë! Të urryer dhe dashuruar në të njëjtën kohë!
Akrepi është shenja më aktive e grupit të ujit. Ata janë gati të riskojnë dhe të ndërmarrin përsipër iniciativa që jo çdokush mund t’i ndërmerrte. Ata gjithashtu janë agresivë në mbrojtjen e interesave të tyre dhe nuk dorëzohen lehtë. Kjo gjë i bën ata të suksesshëm në punën e tyre. Por një nga minuset e cila pengon akrepin është mungesa e diplomacisë dhe mos analizimi i thellë i gjërave , që në situata të caktuara mund të kthehet kundra tyre.
Akrepi është shenja që nuk duron dot injorancën. Të qenët i paditur do e nxehë këtë shenjë dhe nëse ju nuk bëni asgjë. Akrepi urren gjithashtu njerëzit që gënjejnë dhe nëse ndihen të gënjyer, kjo gjë jo vetëm që do i mërzisë por do i bëjë që të “shpërthejnë”
Shpesh akrepët konsiderohen si shenja që gënjejnë më shumë por ka një diferencë. Sepse ata bëjnë sikur harrojnë të tregojnë gjërat e rëndësishme, por e bëjnë enkas që të mos jesh asnjëherë në dijeni të plotë të situatës! E veshin veten me një mister, pikërisht duke mosdhënë informacion dhe duke gënjyer atje ku mundin!
Janë njerëz me humor, të gjindshëm dhe të pavarur , por janë mjeshtra të manipulimit! Janë narcistë dhe shumë ambicioz. Fytyra e dytë apo ana e tyre e errët lidhuet pikërisht me këto tipare: janë njerëz manipulativë, tradhëtarë dhe hakmarrës, shkruan Living.
Megjithatë akrepët janë njerëz shumë intuitive. Ata kanë aftësinë për të zbërthyer personalitetin e tjetrit që në takimin e parë dhe të zbulojnë synimet e tyre të vërteta.
Akrepat janë tipa që nëse dashurohen me dikë, ata dashurohen “deri në vdekje”. Pra për ta dashuria është një dhe e vetme e nëse e gjejnë nuk e lëshojnë më kurrë. Madje edhe nëse fati nuk e sjell në mënyrë të tillë që të lidhin jetën me personin e tyre të zemrës, ata nuk dashurohen më kurrë me askënd tjetër por i qëndrojnë besnikë dashurisë së tyre të parë dhe të vërtetë.
