Këngëtarja kanadeze, Avril Lavigne, ka paralajmëruar kthimin në skenën muzikore, pas luftës së gjatë me sëmundjen Lyme.
“Dua t’i falënderoj të gjithë për durimin derisa po punoj në albumin e ri. Ka qenë një rikuperim i gjatë dhe dua të jem e sigurt që të mbarojë për ju”, ka shkruar Lavigne në Tëitter.
Ky do të jetë albumi i gjashtë i këngëtares, e cila mezi pret që këngët e reja t’i publikojë për fansat e saj.
“Premtoj se do të lansohen sa më shpejtë që është e mundur”, ka shkruar ajo.
Albumi i fundit i Lavigne është publikuar në vitin 2013, ndërsa menjëherë pas u diagnostikua me sëmundjen Lyme. Për shkak të problemeve shëndetësore, ajo u tërhoq nga muzika.
Për pesë muaj ka qëndruar shtrirë në shtrat dhe mjekëve iu është dashur kohë që ta zbulojnë sëmundjen, ndërsa shërimi ka qenë afatgjatë.
