Xhelozia është kthyer në një moll sheri mes një çifti, ku më pas nuk ka munguar as dhuna. Një punonjës policie është arrestuar, pasi akuzohet se dhunonte bashkëshorten e tij për shkaqe xhelozie. SHÇBA ka arrestuar inspektorin e Policisë Sh.Loka, pasi dyshohet se ka dhunuar bashkëshorten, konstatuar edhe me shenja të dukshme dhune. Sipas kallëzimit të bërë nga shtetësja M.L., banuese në Babrru, Bashkia Kamëz, i shoqi ka ushtruar dhunë fizike në raste të përsëritura për shkaqe xhelozie.
