Nesër zhvillohen ndeshjet e javës të katërt të Kategorisë Superiore. Në fakt në bazë të kalendarit zyrtar të bërë prezent nga F.SH.F. më 28 gusht 2020, ku caktohej si ditë e fillimit të kampionati të ri 2020-2021, ajo ditë e 12 shtatorit, në bazë të llogarive, tani duhej të zhvillohej java e 13 e tij . Gjithsesi nuk ka ndodhur kështu për arsye që tashmë dihen, nga ai bojkotim plotë 53 ditor që shpiku dhe i bëri fillimit të kampionatit të ri Liga Profesioniste e Futbollit. Dhe kjo qëndresë e kësaj Lige Profesioniste filloi kur pak kush besonte se do të ndodhte kështu me futbollin shqiptar. E pra, kjo Ligë e krijuar më 18 dhjetor 2018, por që për shumë kohë nuk është bërë e gjallë, por vetëm në 4 shtator 2020 u kujtua se më 19 mars 2019, kryeministri Rama në një takim me “burrat e futbollit”, kishte bërë 12 premtime për të ndihmuar futbollin. Dhe kishte kaluar shumë kohë që këto premtime nuk po realizoheshin, ndaj si zgjidhje u gjet bojkotimi i fillimit të sezonit të ri të futbollit 2020-202.
Për kujtesë të lexuesve le të sjellim pjesë nga ky “ditar” i ngjarjeve të Ligës Profesioniste të Futbollit. Kështu, më 4 shtator 2020 në Minsk të Bjellorusisë , presidentët e klubeve të bojkotimit , që kishin shkuar gjoja si “tifozë” të ekipit kombëtar, në prani dhe të presidentit të F.SH.F –së Duka, vendosën që të kërkojnë mosfillimin e kampionatit të Kategorisë Superiore më 12 shtator 2020, deri në realizimin e katër kërkesave të bëra qeverisë. Dhe pa kaluar vetëm një ditë, pra më 5 shtator 2020, po nga “Kuvendi Minskut”, Liga Profesioniste bënte me dije zyrtarisht se nuk do të niste kampionati futbollit deri në plotësimin e katër kërkesave nga qeveria. Në këtë kontekst askush nuk di të thotë se pas atij takimi të famshëm të 19 marsit 2020, të quajtur ndryshe dhe si “takimi 12 premtimeve të bëra nga qeveria për sportin”, përse janë zhdukur tetë prej këtyre kërkresave ? Gjithësesi, “burrat e futbollit” vetë i kanë formuluar dhe po vetë ia kanë drejtuar 12 kërkesat në atë takim kryeministrit Rama, që nga ana e tij si kreu i shtetit, në çast premtoi se do të realizohen të gjitha që kërkon sporti. Kështu pra, më 12 shtator 2020, dita kur sipas kalendarit zyrtar duhej të fillonte Kategoria Superiore, klubet e Superiores, me mendim të përbashkët me Ligën Profesionte bojkotojnë fillimin e kampionatit.
Gjithsesi të gjithë kishim rastin të shikonim që në pesë stadiumit ku do niste gara e shumëpritur, kemi parë pamje jo të konstatura më parë në historinë e futbollit shqiptar. Skuadrat së bashku me gjyqtarët kanë dalë në fushë, janë rreshtuar siç e kërkon protokolli dhe kapitenët e skuadrave kanë lexuar mesazhet për solidarizim me bojktimin e kampionatit . Dhe kaq, sepse kështu zyrtarizohej fillimi bojktimit të kampionatit. Po një ditë më vonë, më 13 shtator 2020, qeveria që u kujtua se ajo që thoshte Liga e Futbollit nuk ishte thjesht një zhurmë mediatike, dërgon si negociator Fidel Yllin, ose “deputetin e sportit” siç jemi mësuar ta quajmë tani së fundi. Nga ana tjetër përfaqësuesit e Ligës nuk pranojnë të takohen me deputetin Ylli në zyrat e Ministrisë Financave, ku nga vetë qeveria mendohej të “fikej zjarri” ndezuar nga futbolli. Ky refuzim solli replika, kundërshti, akuza dhe kundër akuza. Nga Liga dilnin lajme se kërkohej me çdo kush takim pune vetëm me kryministrin Rama, për të bërë të ditur premtimet e bëra dhe kërkesat e tyre, për ndryshe topi futbollit do të vendosej përpara kryeministrisë. Pala qeveritare me anë të deputetit –negociator vendoste si kusht të forms së prerë se “po dëshironi të takoheni me kryemistrin më parë duhet të filloni kampionatin”. Ky kusht nga ana e tyre u pasua ndër të tjera dhe atë se “bojkotimi kishte prapavijë politike”. Në disa dalje publike duke iu përgjigjur pyetjeve, kryeministri Rama rreth kësaj çështje ndër të tjera do të përgjigjej shkurt: “Futbolli nuk varet nga shteti. Pavarësia që ka si shoqatë jo fitim prurëse i jep të drejtë t’i zgjidhë si të dëshirojë problemet”. Më 19 shtator 2020, kur pritej të zhvillohej java e dytë e Kategorisë Superiore dhe duhej të jepej starti Kategorisë Parë bokjotimi vazhdon. Në fushat e futbollit e njëjta pamje si më parë. Futbollistët skuadrave janë në ndeshjet e tyre pa top. Kapitenët e skuadrave lexojmë mesazhet e tyre me një letër drejtuar qeverisë dhe kryeminstrit Rama me katër kërkesat e tyre: 1. Ndryshimet në ligjin e sponsorizimeve, duke aplikuar sistemin e zbritjes nga tatim fitimi, pasi si funksionon deri më sot ka prodhuar zero sponsor në futboll. 2. Përfshirja e të gjitha veprimtarive ekonomike të klubeve të futbollit në TVSH-në e reduktuar në masë 6%, njësoj si sektorët e bujqësisë e turizmit. 3. Falja e gjobave e kamat vonesave për detyrimet fiskale të klubeve. 4. Zgjatja e periudhës së përjashtimit nga tatim- fitimi mbi të ardhurat personale të futbollistëve nga 2 në 10 vjet.
Më 5 tetor 2020, nuk ka asnjë sinjal nga qeveria për kerkesat e detajuara dhe të argumentuara. Ndërkohë FIFA dhe U.E.F.A, mbështesin kërkesat e klubeve shqiptare dhe i bëjnë thirrje qeverisë për të gjetur një zgjidhje më të mirë për futbollin. Pikërisht këtu fillojmë lëvizjet duke shfrytëzuar çdo lidhje shoqërore, dhe miqësore deri dhe me dreka dhe darka pune, për të gjetur mundësi komunikimi midis palëve, duke harruar të gjitha atë zhurmë të madhe të ngarkuar keq me akuza midis politikës dhe sportit. Më 12 tetor 2020, kur pritej të realizohej ajo që kishte deklaruar më parë presidenteti klubit ‘Tiranës’, Refik Halili, se “pas ndeshjeve të ekipit kombëtar për Ligën e Kombeve do të fillonte të lëvizte dhe topi futbollit” në takimin e rradhës midis jo pak polemikave nga të pakënaqurit Liga e Futbollit vendos që bojkotimi të vazhdojë. Zëvëndëspresidenti Ligës, Koço Kokëdhima shkon deri aty sa thotë se: “Futbolli mund të fillojë në janar 2021 ose ka mundësi dhe në prill 2021, duke zbatuar zhvillimin e kampionatit me sistem grubullimi”. Më 15 tetor 2020, pas atyre fjalimeve që thanë për sportin në Parlament, duket se të dy palët kanë ulur në minimum ritmet e përballjes tyre, ku pas atij takimi të zhvilluar në Ministrinë e Financave, pa thënë asgjë se çfarë u diskutua dhe çfarë kanë zyrtarizuar të bëjnë për sportin, kanë bërë vetëm me dije se më 20 tetor 2020 palët do takohen përsëri, ku sipas tyre do bëhet diçka e mirë për sportin. Më 23 tetor zhvillohet një takim pune Rama –Duka, ku pas tij presidenti F.SH.F-ës do të deklaronte se: “ u takova me kryeministrin Rama dhe më premtoi zgjidhje për ligjet. Duhej konsesus, pa radikalizma, nisjen e vendos Liga”. Por nga ana tjetër Ministria Denaj, pas mbledhjes të rradhës të grupit teknik dypalësh do të deklaronte: “S’ka ende zgjidhje, dialogu vazhdon …”. Dhe pak ditë më vonë krejt formalisht Liga e Futbollit kërkon dhe mendimin e atyre që ne i quajmë “burrat e futbollit”, të cilët edhe pse ideuan dhe zbatuan përkohësisht “bojkotimin e futbollit” dhanë “besën” për fillimin e kampionatit. Ky ishte pak a shumë “ditari kronologjik ” i këtij bojktimi të stisur dhe sajuar nga Liga Profesioniste e Futbollit. Kanë kaluar më shumë se tre javë nga ajo “dakordësia” e arritur midis Qeverisë dhe Ligës të Futbollit dhe askush nuk di të thotë se deri në çfarë faze janë bisedimet? Çfarë është vendosur konkretisht për atë “peticion” me katër pika ? Por ka ende pyetje të tjera që mund të bëhen në këtë rast, sepse mungon transparenca e bisedimeve dhe veprimeve konkrete. Ndodh kështu, sepse dikush është shprehur se “misoni ynë është kryer” dhe Liga Profesioniste e Futbollit e ka mbyllur gojën.