Një aeroplan i vogël privat u rrëzua këtë pasdite në një ndërtesë të zbrazët në periferi të Milanos, duke i lënë të vdekur të tetë personat që ishin në të, njoftoi policia.
Aksidenti ndodhi para një stacioni të metrosë periferike.
Njerëzit në zonë dëgjuan një shpërthim kur avioni u përplas me një ndërtesë dykatëshe, e cila ishte bosh në atë kohë ndërsa po rindërtohej.
Flakët dhe tymi u panë në vendngjarje dhe disa automjete të parkuara u përfshinë në flakë, thanë dëshmitarët, por nuk kishte raportime për viktima të tjera.
Me sa dihet, avioni u ngrit vetëm 11 minuta para se të rrëzohej. Corriere della Sera shkruan se papritmas, në vend që të vazhdonte për në jug, ai u kthye në drejtim të San Donat, ku u rrëzua.
Sipas informacioneve të njohura deri më tani, asnjë thirrje për ndihmë nuk është dërguar nga avioni.
