Greqia po merr në konsideratë të krijojë “Kupolë të hekurt”, si Izraeli, pothuajse në çdo ishull të Egjeut. “Kupola e hekurt” mund të përdoret për të mbrojtur ishujt grekë nga sulmet me raketa, në rast të një konflikti greko-turk.
Aftësitë e armës janë të tilla që sigurojnë që edhe raketat me rreze të shkurtër mund të “përgjohen” përpara se të arrijnë objektivin e tyre, duke mbrojtur kështu bazat ushtarake greke dhe civilët. Siç shkruajnë mediat greke, ky sistem do të përmbajë armë ajrore greke, me rreze të gjatë, raketa dhe armë me rreze të shkurtër, të instaluar në ishuj.
Shkatërrimi i një rakete nga “Kupola e hekurt” pothuajse gjithmonë lë pas një re të vogël tymi të rrallë. Qiejt e Izraelit ditët e fundit janë plot me re të tilla, pasi vlerësohet se Hamasi ka nisur më shumë se 2,500 raketa kundër Izraelit.
“Kupola e hekurt”, megjithëse duket se është e qëndrueshme, nuk mund të parandalojë të gjitha sulmet.
