SHBA, ceremoni për të kujtuar udhëtimin e parë në Hënë

604
Dyzet e tetë vjet pas uljes në hënë, astronauti i anijes së hapësirës Apollo 11 Buzz Aldrin, eci mbrëmë në qilimin e kuq në Qendrën Hapësinore Kennedy. Aldrin, 87 vjeç, përkujtoi përvjetorin e ardhshëm të misionit të vitit 1969 në hënë me raketën Saturn V dhe grumbulloi më shumë se 190,000 dollarë për fondacionin e tij jofitimprurës të arsimit hapësinor, ShareSpace.
Buzz Aldrin beson se njerëzit do të jenë në gjendje të mbërrijnë në Mars deri në vitin 2040, që është edhe qëllimi i NASA-s. Agjensia hapësinore po zhvillon sistemin e lëshimit në hapësirë të anijes Orion për të dërguar amerikanë në thellësitë e hapësirës .
: Astronaut Buzz Aldrin walks on the surface of the moon near the leg of the lunar module Eagle during the Apollo 11 extravehicular activity (EVA).
Sigal

: Astronaut Buzz Aldrin walks on the surface of the moon near the leg of the lunar module Eagle during the Apollo 11 extravehicular activity (EVA).

Gjatë mbrëmjes, të shtunën, Fondacioni ShareSpace nderoi afaristin Jeff Bezos me çmimin e parë Buzz Aldrin Space Innovation. Bezos, themeluesi i kompanisë Amazon.com dhe i kompanisë BlueForce e Spaceflight, po përpiqet të ulë koston e udhëtimit në hapësirë, duke ri-përdorur raketat. Fondacioni gjithashtu nderoi ish astronautin e NASA-s, Mae Jemison, gruan e parë afrikano-amerikane që ka udhëtuar në hapësirë, me çmimin Buzz Aldrin Space Pioneering.
Mbrëmja e zhvilluar është pjesa e parë e një fushate trevjeçare deri në 50 vjetorin e uljes në Hënë për të ndihmuar në grumbullimin e fondeve që do të çojnë në krijimin e vendbanimeve të ardhëshme në Mars.
Fondacioni ShareSpace shpalli të shtunën një organizatë jofitimprurëse të re, Buzz Aldrin Space Foundation, për të krijuar një rrugë edukimi për Marsin. Gjatë vitit të kaluar, fondacioni ka dhuruar 100 harta gjigante të Marsit në shkolla dhe vazhdon të punojë me fëmijët për të çuar përpara arsimin në shkencë, teknologji, inxhinieri, art dhe matematikë.