Mbi 290 mijë viktima dhe 4 342 848 të infektuar, ky është bilanci i deritanishëm i koronavirusit në botë.
Shtetet e Bashkuara të Amerikës janë vendi i parë në botë me numrin më të lartë të viktimave dhe të infektuarve nga Covid 19.
Britania e Madhe dhe Italia janë vendet e tjera më të prekura nga fatalitetet nga koronavirusi.
Megjithatë krahasimet janë shumë të vështira për shkak të metodave të ndryshme të aplikuara nga shtetet për të raportuar të dhënat e tyre.
Mungesa e testimeve dhe problemet në shumë vende mund të fshehin gjithashtu shkallën e vërtetë të përhapjes së pandemisë.
