Presidenti rus, Vladimir Putin, nënshkroi sot një dekret për rritjen e përmasave të forcave të armatosura ruse me 137,000 ushtarë, raporton agjencia ruse e lajmeve RIA Novosti.
Kjo rritje do të thotë se numri i forcave të armatosura do të shkojë nga 1.9 në 2.04 milionë ushtarë.
Dekreti, sipas të cilit personeli ushtarak me shtimin e 137,000 ushtarëve do të arrijë në 1.15 milionë njerëz, do të hyjë në fuqi nga 1 janari 2023.
Kujtojmë se ushtria ruse ka pësuar humbje të mëdha, sipas raporteve të huaja, që nga fillimi i pushtimit të Ukrainës.
