Gjermania është duke planifikuar për të blerë 30 milionë doza të vaksinës ruse Sputnik V, pavarësisht faktit se ende nuk është miratuar nga rregullatori Evropian.
Ministri gjerman i Shëndetësisë, Jens Spann tha në fillim të këtij muaji se Gjermania ishte duke negociuar një marrëveshje me Rusinë për të blerë dozat e Sputnik V.
“Ne mbështesim fuqimisht një proces të shpejtë aprovimi deri në maj të vaksinës ruse nga Bashkimi Evropian”, tha në një mesazh në Twitter Michael Kreçmer, i cili ishte për bisedime në kryeqytetin rus me Ministrin rus të Shëndetësisë, Mikhail Murasko, shkruajnë mediat e huaja.
“Gjermania do të blejë 30 milion doza Sputnik V, për të përdorur 10 milion çdo muaj, midis qershorit dhe gushtit”, tha Kretsmer.
Zyrtari gjerman po bën një vizitë shumë-ditore në Rusi, ndërsa dy vendet kanë marrëdhënie të tensionuara pas mbledhjes së forcave ruse në kufirin me Ukrainën dhe shqetësimeve në lidhje me shëndetin e udhëheqësit të burgosur të opozitës, Alexei Navalny, i cili prej javësh ka hyrë në grevë urie.