Kreu i qeverisë sllovake shkarkohet pas marrveshjes së fshehtë për vaksinat ruse. Me këtë standart, qeveria e Rilindjes dhe kryeministri Rama duhej të kishin dhënë dorëheqjen 15 herë, si për vaksinat, marrrveshjen e “Detit”, ndarjen e kufirit me Kosovën, PPP etj.
Përgatiti dhe shqipëroi, Ama Musa
Kryeministri i Sllovakisë jep dorëheqjen pas një marrëveshjeje të fshehtë për blerjen e vaksinës kundër koronavirusit të Rusisë, Sputnik V. Me këtë standard , qeveria e “Rilindjes” dhe kryeministri Edi Rama duhej të kishte dhënë dorheqjen nja 10 apo 15 herë në këto 8 vite të mandatit të tij. Mjaftojnë dy fakte që Rama blen vaksinën, por nuk dihet origjina, nuk ka certifikatë përdorimi, nuk ka transparencë sigurie dhe mbi të gjitha është blerë nga vende që janë dora e dytë dhe Shqipëria është e treta si pritëse. E thënë më drejtpërdrejtë Rama blen vaksinën Sputnik V nga vendet arabe dhe konkretisht nga Princi i Kurorës së Emirateve të Bashkuara, ndërkohë që anashkalohet vendi i origjinës. Paguan miliona në Turqi për vaksinat Sinovac që vetë turqit thonë se e kanë blerë në Kinë, por edhe këtu mungon transparenca. Sjell 1 mijë vaksina Pfizer nga Bullgaria, ndërkohë që AstraZeneca është e përjashtuar në përdorim nga shumica e vendeve të BE dhe dje Gjermania vendosi zyrtarisht mospërdorimin e Astra Zenecës prej problemeve që sjell me mpiksjen e gjakut, pasojat e së cilës do ndihen gjatë gjithë vitit. Kaq do të mjaftonte që Rama të ndiqte standardin e kryeministrit sllovak për të dhënë dorheqjen, pa u marrë me keqmenaxhimin e pandemisë apo deklaratat e tij, njëherë mbani maska, njëherë hiqini, pastaj gjoba masive etj. Më vonë doli që nuk kishim pajisje respiratore dhe ato që u blenë një pjesë nuk erdhën dhe të tjerat u blenë në Kinë, nëpërmjet Serbisë, ndërkohë që duhej të merreshin në Perëndim pasi janë jo vetëm cilësore dhe faktet treguan se respiratorët e blerë në Kinë ishin jo efektiv dhe nuk kishin funksion të plotë për shëndetin e pacientëve të intubuar, pjesa dërrmuese e të cilëve humbën jetën.
Kryeministri i Sllovakisë dhe qeveria e tij dhanë dorëheqjen për t’i dhënë fund krizës politike të shkaktuar nga një marrëveshje e fshehtë për të blerë vaksinën kunder koronavirusit të Rusisë Sputnik V.
Është qeveria e parë evropiane që bie për shkak të trajtimit të saj të pandemisë por lëvizja do të mbajë në pushtet koalicionin aktual me katër parti dhe do të shmangë mundësinë e zgjedhjeve të parakohshme. Koalicioni mban një shumicë parlamentare të qetë. Presidentja Zuzana Caputova pranoi dorëheqjen e kryeministrit dhe kërkoi Eduard Heger nga partia e Njerëzve të Zakonshëm të Matoviçit të formonte një qeveri të re. Heger falënderoi Matoviç për atë që ai ka bërë dhe e quajti dorëheqjen “një gjest të madh të paparë ndonjehere në politikën sllovake”.
“Shpresoj qe ne të vazhdojmë të punojmë së bashku për Sllovakinë tone.”,- shtoi më tej Presidentja sllovake.
Heger shërbeu si ministër i financave dhe zëvendëskryeministër në qeverinë e larguar. Matoviç, i cili kishte njoftuar të Dielën se do të bënte lëvizjen, pritet të marrë postin e ministrit të financave në qeverinë e re.
Kriza shpërtheu kur një marrëveshje e fshehtë doli në dritë në fillim të marsit që përfshinte marrëveshjen e Sllovakisë për të blerë 2 milion doza të vaksinës Sputnik V COVID-19 të Rusisë. Kryeministri populist orkestroi marrëveshjen pavarësisht mosmarrëveshjes midis partnerëve të tij të koalicionit.
Njëra parti pjese e koalicionit qeverisës ne Sllovaki ka përfunduar tërheqjen e saj nga qeveria mes një krize politike të shkaktuar nga një marrëveshje e fshehtë për të blerë Rusinë vaksinë për koronavirusin.
Me pak ndryshime, Kabineti i Heger pritet të jetë i njëjtë me atë të Matoviç. Presidenti mund të betohet në të sa më shpejt këtë javë. Matoviç u bëri thirrje Sllovakeve “të falin të gjitha gabimet që kam bërë gjatë vitit (në pushtet)”. “Mos u shqetëso, gjithçka do të jetë mirë”, tha ai. “Ju mund t’i besoni absolutisht (Heger)”. Matoviç më parë mbrojti blerjen e Sputnik V, duke thënë se kjo do të përshpejtojë programin e vaksinimit në një nga vendet më të goditura të Bashkimit Evropian. Kombi prej 5.4 milionësh ka regjistruar mbi 9,600 vdekje nga COVID-19.
Por për dy partitë në koalicionin e tij, “Liria dhe Solidariteti” dhe “Për Njerëzit”, të cilat ishin përplasur vazhdimisht me partinë e “Njerëzve të Zakonshëm” të Matoviç rreth mënyrës së luftimit të pandemisë, ishte kashta e fundit. Ata thanë se Matoviç duhej të tërhiqej, përndryshe ata do të largoheshin nga qeveria, duke e lënë atë pa një shumicë parlamentare.
Sllovakia e goditur rëndë nënshkroi një marrëveshje për të blerë 2 milion duzina të vaksinës koronavirus të Rusisë Sputnik V. Kryeministri i vendit thotë se Sllovakia do të marrë një milion doza në dy muajt e ardhshëm ndërsa një milion tjetër do të arrijë në maj dhe qershor.
Ministri i Jashtëm Ivan Korcok, i cili u emërua në këtë post nga partia “Liria dhe Solidariteti”, tha se vaksina ishte një mjet në luftën hibride të Rusisë kundër Perëndimit dhe blerja e saj hedh dyshime në orientimin e qartë pro-perëndimor të vendit të tij.
Korcok vuri në dyshim veprimin e kryeministrit për të mirëpritur ardhjen e 200,000 vaksinave të para Sputnik V në aeroport, ndërsa ai nuk bëri të njëjtën gjë në rastin e vaksinave perëndimore që vendi ka përdorur. Partia “Për Njerëzit” tha se çdo vaksinë ka nevojë për miratim nga rregullatori i shendetshise i BE, gjë që nuk ka ndodhur ende për Sputnik V.
Mes krizës, gjashtë ministra nga të katër partitë në koalicion kanë dhënë dorëheqjen. Pasi fitoi zgjedhjet parlamentare me një biletë anti-korrupsion, Matoviç pro-perëndimor bëri një marrëveshje vitin e kaluar për të qeverisur me partinë pro-biznesit Liria dhe Solidariteti; konservatorja “Për Njerëzit”, një parti e themeluar nga ish-Presidenti Andrej Kiska dhe “Ne Jemi Familje”, një grup i djathtë populist që është aleat me partinë e “Rally Nacional” të së djathtës ekstreme të Francës.
