Një alarm për bombë në dy avionë të Turkish Airline kanë ngritur në këmbë forcat turke të sigurisë.
Avionët thuhet se u dërguan në një zonë të izoluar të një piste ajrore për t’u verifikuar në mënyrë të sigurt për eksplozivë.
Policia turke arriti në përfundimin se nuk ka gjetur bomba si rezultat i kërkimit të kryer në bordin e dy avionëve të pasagjerëve të Turkish Airline. Avionët u kontrolluan pasi autoritetet morën një njoftim përpara nisjes së avionëve pas alarmit se ata po mbanin eksplozivë, njoftoi agjencia e lajmeve Cumhuriyet.
Sipas medias turke, të dy avionët ishin planifikuar të fluturonin për në Gjermani – një në Mynih dhe tjetri në Stuttgart. Të dy avionët thuhet se u transportuan në një zonë të sigurt në Aeroportin e Stambollit ndërsa oficerët e zbatimit të ligjit i kontrolluan ata për eksploziv.
Incidenti përkon me përpjekjen e linjës ajrore për të rifilluar operimet pas një rënie drastike në fluturime në 2020 të shkaktuara nga pandemia e koronavirusit dhe bllokimet pasuese.
