“Vuan nga astma, e ka zënë tmerri i frikës”, Goxhaj: Rama ka frikë se do të vdesë prandaj fshihet në bunkerin e tij

86

I ftuar ditën e sotme në studion e lajmeve në Fax News, avokati Altin Goxhaj foli në lidhje me masat që ka marrë qeveria.

Goxhaj deklaroi se Rama është fshehur në bunkerin e Surrelit, ndërkohë që duhet të ishte në krye të qeverisë.

Përveç kësaj, ai tha se Rama ka frikë pasi vuan nga astma dhe ka frikë se mos vdesë nëse do të dali nga bunkeri.

Goxhaj shtoi se në gjithë këto masa të ndërmarra Rama ka pas vetes nje personazh shumë të rrezikshëm, që është gjeneral Lleshaj dhe sipas tij është gati të vrasë gjysmën e Shqipërisë po e urdhëroj Rama.

“Nga bunkeri i tij nga drejton të gjithëve dhe jep modelin alegjerian si regjim. Problemi qendron se ai ka shkuar që të marrë ilaçe. Ky njeriu ka braktisur qeverinë. Nuk ka një besueshmëri. Të gjitha mesazhet e Ramës janë mesazhe frike, asnjë mesazh pozitiv. Është fshehur në Surrel. Thonë që vuan nga astma dhe e ka zënë tmerri i frikës. Duhet të ishte në zyrë, aty ku janë të gjithë kryeministrat e botës. Ky ka dhënë mesazhet më negative që mund ti jepet një vendi. Ai ka frikë se do të vdesë dhe është fshehur në bunkerin e tij. Ka dhe një personazh shumë të rrezikshëm që është gjeneral Lleshi, është një person i rrezikshëm për Shqipërisë, është shumë i ftohtë, është vrasës në natyrën e tij. I ka skaduar gjendja emocionale është i çmendur. Është gati të vrasë gjysmën e shqiptarëve po e urdhëroi Rama. Është ky që i thotë nxirr mitralozët në Tiranë. Është e tmerreshme ti shohësh dhe shyqyr që u hoqën. Ky demostrimi i forcës është ajo çfarë i thotë gjeneral Lleshi”- tha Goxhaj.