Komisioni i Organizimit të Kuvendit të Berishës ka shkarkuar nga detyra nënkryetarët e PD, Grida Duma, Jorida Tabakun dhe Enkelejd Alibeajn, sekretarin e përgjithshëm Gazment Bardhin, dhe kryesinë e PD-së, me arsyen se nuk janë zgjedhur sipas statutit.
Gjatë fjalës së tij Këlliçi njoftoi se Kuvendi vendosi të votojë me votim të fshehtë për shkarkimin e kryetarit të PD, Lulzim Basha për dëmtim të rëndë të interesave politike.
Ndërkohë më 22 Mars, mblidhet përsëri Kuvendi për të zgjedhur strukturat e reja te PD-së.
Me 18 dhjetor do të nisë referendumi për shkarkimin e kryeopozitarit edhe nga anëtarësia e demokratëve.
Referendumi do të mbahet në mbarë vendin, pikërisht në datën kur Basha mbledh Kuvendin në Pallatin e Kongreseve.
