Yuri Kim: Udhëzime të qarta nga Uashingtoni, shqiptarët duhet të ngrenë zërin
“Për sa i përket Shteteve të Bashkuara, unë kam udhëzime të qarta nga Uashingtoni që kjo të mbetet një prioritet dhe unë jam e vendosur për ta çuar përpara”. Ky është mesazhi i ambasadores amerikane, Yuri Kim, në lidhje me situatën politike në vend. Ambasada amerikane në Tiranë, ka postuar në rrjetet sociale, pjesë nga intervista e ambasadores Yuri Kim. “Qytetarët shqiptarë duhet të vazhdojnë të ngrenë zërin për të shprehur pakënaqësitë e tyre, për të shprehur kërkesën e tyre për më shumë transparencë, më shumë sundim të ligjit”, -shprehet diplomatja amerikane.
Ambasadorja amerikane pritet të flasë për ngërçin e politikës shqiptare për Reformën Zgjedhore, për mos finalizimin e paktit të 5 qershorit të arritur nga Këshilli Politik. Intervista e plotë do të transmentohet në darkë.
