Një 27-vjeçar me iniciale A.K. administrator i një firme private në Tiranë është arrestuar nga policia për veprën penale “Shkelja e rregullave të mbrojtjes në punë”.
Kjo pasi ditën e djeshme në një pallat që po ndërtohej nga firma e administruar prej tij ra nga kati i pestë duke ndërruar jetë A. M., 45 vjeç, banues në Shijak.
Njoftimi i policisë:
Specialistët për Hetimin e Krimeve në Komisariatin e Policisë Kavajë bënë arrestimin në flagrancë të shtetasit A. K., 27 vjeç, banues në Tiranë, administrator në një firmë private, për veprën penale “Shkelja e rregullave të mbrojtjes në punë”.
Ditën e djeshme, duke punuar në një pallat që po ndërtohej nga firma në administrim nga shtetasi A. K., ka rënë nga kati i pestë i objektit dhe si pasojë ka ndërruar jetë, punëtori i firmës, shtetasi A. M., 45 vjeç, banues në Shijak.
