Pas vendimeve të njëpasnjëshme për heqjen nga skema e ndihmës ekonomike për shumë qytetarë në zona të ndryshme të vendit kanë nisur edhe protestat. Në Berat familjet e hequra nga skema e ndihmës ekonomike protestuan sot përpara institucionit të Prefektit të Qarkut. Familjet që janë përjashtuar nga ndihma, sipas skemës së re, e kanë konsideruar si të padrejtë heqjen nga kjo skemë. Sipas tyre kanë përfituar vetëm një pjesë e tyre në bazë të kritereve të padrejta. Protesta është mbështetur nga dega e PD-së në këtë qytet dhe deputeti i qarkut të kësaj partie.
