Kryetari i Partisë së Lirisë, Ilir Meta ka ngritur shqetësimin e shpopullimit të vendit. Me anë të një postimi në Facebook, ish-Presidenti deklaron se jemi ende në kohë për të asgjësuar këtë skenar ogurzi.
Po ashtu, Meta i bën thirrje të gjithë shqiptarëve patriotë dhe sidomos e intelektualëve “të reagojnë fuqishëm dhe të bashkojnë forcat dhe energjitë e tyre për të Ndalur Drejtimin e Gabuar”.
“Jemi ende në kohë për të asgjësuar këtë skenar ogurzi dhe të përllogaritur për shpopullimin e vendit.
Është detyrë e të gjithë shqiptarëve patriotë dhe sidomos e intelektualëve të reagojnë fuqishëm dhe të bashkojnë forcat dhe energjitë e tyre për të Ndalur Drejtimin e Gabuar.
Kjo nis me përshkallëzimin e luftës kundër Korrupsionit dhe garantimin e Referendumit, si i vetmi instrument, që rivendos Llogaridhënien në çdo nivel”, shkruan Meta.