Reshjet e dendura të shiut që kanë nisur gjatë natës dhe që vazhdojnë të bien kanë përmbytur disa lagje të qytetit të Vlorës.
Mësohet se ka prezencë të madhe uji në zonën e Skelës, lagja Pavarësia, 28 Nëntori, Kushtrimi duke krijuar vështirësi në qarkullimin e automjeteve por dhe të banorëve.
Nën ujë mbeten dhe zonat si: lagjia Pavarësia, zona pranë Portit Detar dhe Universitetit të Vlorës, zona e Albano dhe Rominës.
Niveli i ujit në disa nga zonat e mësipërme ka arritur deri në 50 cm, ndërsa në aksin Vlorë- Orikum është rrëzuar një pemë, për pasojë rruga është bllokuar.
Ujësjellës Kanalizimet janë në gatishmëri, mirëpo kjo situatë është e përhershme në Vlorë sa herë ka reshje të dendura shiu.
