Deputeti i Partisë Demokratike, Belind Këlliçi, ka bërë të ditur se gjatë pjesëmarrjes në forumin e IDC-CDI në Bruksel, së bashku me kryetarin e PD-së, Sali Berisha, dhe deputeten Albana Vokshi, kanë ngritur shqetësimet për situatën politike në Shqipëri.
Në një postim në Facebook, Këlliçi shkruan se delegacioni i PD-së ka kërkuar ngritjen e një grupi pune për dokumentimin e lidhjeve të qeverisë shqiptare me krimin e organizuar dhe kartelet e drogës, si edhe organizimin e një konference ndërkombëtare për fenomenin që ai e cilëson si “narkoshtet” në Shqipëri.
Postimi i plotë:
Në Bruksel, së bashku me Prof. Dr. Sali Berishën dhe Albana Vokshin, e çuam zërin e shqiptarëve në arenën ndërkombëtare, në forumin më të madh botëror të partive të qendrës së djathtë IDC-CDI.
Kërkuam ngritjen e një grupi pune për të dokumentuar lidhjet e qeverisë shqiptare me krimin e organizuar dhe kartelet e drogës, një nismë që u mirëprit menjëherë. Po ashtu, u propozua organizimi i një konference ndërkombëtare për narkoshtetin në Shqipëri.
E vërteta nuk mund të fshihet!Shqipëria meriton demokraci, zgjedhje të lira dhe një shtet të çliruar nga krimi i organizuar.
Gjithashtu pas miratimit në Kuvend të aktit normativ që lidhet me financimin e koncertit të Kanye Ëest, deputeti i Partisë Demokratike, Belind Këlliçi, ka reaguar me akuza të forta ndaj qeverisë dhe kryeministrit Edi Rama., Këlliçi e cilëson votimin si një “skandal” dhe pretendon se shumica socialiste miratoi përdorimin e 4.2 milionë eurove nga fondet publike për një aktivitet privat.Ai i bën gjithashtu thirrje SPAK-ut të hetojë çështjen, duke kujtuar se Partia Demokratike ka depozituar një kallëzim penal lidhur me këtë rast.
