Betejë për jetën në luftë me koronavirusin bëhet në Spitalin Infektiv në Tiranë dhe së fundi edhe në spitalin COVID 2, apo “Shefqet Ndroqi”, që ka pritur tashmë pacientët e parë me koronavirus.
Zv.ministrja e Shëndetësisë, Mira Rakacolli ka thënë sot se ” Aktualisht në spitalin COVID 2 “Shefqet Ndroqi”, i cili do të ndjekë rastet e rënda me insufiçencë respiratore covid pozitiv, janë 4 pacientë të shtruar, 2 prej të cilëve në gjendje të rënduar (të intubuar)”.
Ndërkohë që në Infektiv aktualisht janë 73 të shtruar. 7 prej tyre janë në terapi intensive ndërsa 2 nga këta janë të intubuar.
Pjesa tjetër e të shtruarve në pavion janë në gjendje të stabilizuar deri në këto momente.
Gjatë orëve të para të mëngjesit janë transportuar në spitalin COVID2 “Shefqet Ndroqi”, 3 paciente nga spitali Infektiv.
Ndërkohë që sipas MSH, në dy spitalet COVID aktualisht po marrin shërbim 77 pacientë.
