Edhe pas shpërthimit të skandalit me konfliktin e interesit dhe fshehjen e të ardhurave nga Zv.Sekretarja e Përgjithshme e Kryeministrisë Elira Kokona, prokuroria nuk ka nisur hetimin penal për mosdeklarimin e pasurisë dhe interesave private nga nëpunësi publik dhe për shpërdorimin e detyrës. Dy vepra penale këto që dënohen respektivisht deri në 3 vjet burgim dhe deri në 7 vjet burgim.
Po ashtu as Inspektorati i Lartë i Deklarimit dhe Kontrollit të Pasurive dhe Konfliktit të Interesave, nuk ka nisur ende verifikimet mbi fshehjen e të ardhurave nga Elira Kokona dhe faktin e ushtrimit të profesionit të avokatit privat prej saj, ndërkohë që ishte emëruar në detyra të larta shtetërore, njofton BË.
Sipas dokumenteve zyrtare, Zëvendëssekretarja e përgjithshme e Kryeministrisë Elira Kokona, pas emërimit në detyra të larta qeveritare në 2013, vazhdoi punën si avokate private, madje në çështje kundër vetë qeverisë shqiptare.
Në shpërdorim të pastër detyre, Elira Kokona rezulton se ka përfaqësuar si avokate private paditës të ndryshëm në çështje kundër Shqipërisë në Strasburg apo arbitrazhe, ndërkohë që paralelisht ishte emëruar sekretare e përgjithshme në Ministrinë e Kulturës.
Po ashtu pas emërimit në detyra të larta qeveritare, Zëvendësekretarja e përgjithshme e Kryeministrisë Elira Kokona, i fshehu Inspektoratit të Lartë të Deklarimit dhe Kontrollit të Pasurive dhe Konfliktit të Interesave, ushtrimin e aktivitetin e saj privat si avokate.
Elira Kokona nuk ka deklaruar po ashtu as të ardhurat nga gjyqet kundër qeverisë në Strasburg apo në arbitrazhe. Me zgjedhjen ose emërimin e tij e në vazhdim, zyrtari ka për detyrë të parandalojë dhe të zgjidhë vetë, sa më parë dhe në mënyrën më të frytshme të mundshme, çdo gjendje të konfliktit të tij të interesit.
Me standardet e Vettingut për gjyqtarët dhe prokurorët që qeveria ka vendosur, Elira Kokona tashmë duhet të ishte shkarkuar me urgjencë nga detyra dhe të kishte hetimi së paku për dy vepra penale, mos deklarimin e të ardhurave dhe interesave privatë nga nëpunësi publik dhe shpërdorimi i detyrës.
Skandali/ Kokona pezulloi aktivitetin 8 muaj pas emërimit në ministri
Pas emërimit në detyra të larta qeveritare zv/Sekretarja e Përgjithshme e kryeministrisë, Elira Kokona, i fshehu Inspektoratit të Lartë të Deklarimit dhe Kontrollit të Pasurive dhe Konfliktit të Interesave, ushtrimin e aktivitetit te saj privat si avokate.
Elira Kokona mori detyrën e Sekretares së Përgjithshme të Ministrisë së Kulturës në 2013. Në deklaratën fillestare në momentin kur sapo ishte emëruar në detyrat e larta shtetërore, ajo ka deklaruar të ardhurat nga profesioni i saj si avokate që kishte realizuar përpara se të futej në zyrat e qeverisë. Por në deklaratën pasardhëse, kur tashmë ajo ushtronte detyrën e Sekretares së Përgjithshme në ministri, në asnjë rresht ajo nuk ka deklaruar punën e saj private dhe as të ardhurat, ndërkohë që vazhdonte pa ndërprerje profesionin e avokatit privat deri në gjykatën e Strasburgut apo nëpër Arbritrazhet ndërkombëtare.
Po ashtu dhe në deklaratat në vazhdim për vitin 2014, 2015 dhe 2016, Elira Kokona e ka mbajtur të fshehur ushtrimin e aktivitetit si avokate private, ashtu siç nuk ka deklaruar mbylljen e licencës në prill të 2014 dhe të ardhurat e përfituara prej saj.
Me standardet e Vettingut për gjyqtarët dhe prokurorët që qeveria ka vendosur, Elira Kokona tashmë duhet të ishte shkarkuar me urgjencë nga detyra. Për mosrakordime minimale në deklarimin e të ardhurave gjyqtarë dhe prokurorë janë larguar përfundimisht nga sistemi i drejtësisë, ndërsa për zyrtarët e lartë të qeverisë si në rastin e Elira Kokonës ligji shkelet me të dyja këmbët. Nëse do kishte deklaruar në ILDKPKI ushtrimin e profesionit si avokate, ndërkohë që punonte si Sekretare e Përgjithshme në ministri, ndaj saj do kishte filluar hetimi penal.
Sipas dokumenteve zyrtare zv/Sekretarja e Përgjithshme e kryeministrisë, Elira Kokona, pas emërimit në detyra të larta qeveritare në 2013, vazhdoi punën si avokate private, madje në çështje kundër vetë qeverisë.
Në shpërdorim të pastër detyre, Elira Kokona rezulton se ka përfaqësuar si avokate private paditës të ndryshëm në çështje kundër Shqipërisë në Strasburg apo arbitrazhe, ndërkohë që paralelisht ishte emëruar Sekretare e Përgjithshme në Ministrinë e Kulturës.
