Banorët e Saukut kanë ngritur shqetësimin e ujërave të zeza në zonë.
Ata janë shprehur se këtë shqetësim e kanë bërë të ditur dhe te UKT mirëpo nuk kanë marrë asnjë reagim nga drejtoria.
Një ndër problemet e tyre është mungesa e ujit, i cili vjen për pak orë gjatë ditës si dhe bashkimi i ujërave të zeza me të bardha. Ata kanë frikë se mos helmohen ashtu si banorët e Krujës.
DEKLARATA E BANORËVE:
Ka bashkim të ujërave të bardha me ato të zeza. Ne edhe mund të helmohemi sepse është shumë pisllëk, mund të dalë ndonjë sëmundje. Kjo situatë ka 3-4 vite dhe nuk është marrë asnjë lloj mase. Në dijeninë time, Veliaj nuk ka ardhur.
U tregoj edhe atyre të ujësjellësit, u them, ja shihni ujin, a pihet ky? Ne I paguajmë rregullisht faturat nga 25 deri në 30 mijë. Atë që do të shpenzoj, e paguaj unë. Po tani kam frikë se mos më ikën uji se po laj tapetin.
Situata e banorëve të Saukut është e ngjashme me ato të Krujës, të cilët u helmuan për shkak të baktereve që janë gjetur në ujë.
