Gjashtë vajzat e huaja që ushtronin prostitucion në Shqipëri, të arrestuara pak ditë më parë nga policia e Tiranës në operacionin e koduar “Contact”, janë lënë të lira nga gjykata këtë të martë.
Tutorja e vajzave që kishin ardhur nga Rusia, Spanja apo Venezuela, ishte shtetasja Beisi Yusmar Rojas Ruiz, me origjinë nga Kolumbia.
Përmes një kërkimi në uebsajtin ku reklamoheshin vajzat që ushtronin prostitucion, shihet se në faqen “Escort” në Shqipëri ushtrojnë prostitucion 581 vajza.
Siç shihet dhe në këtë foto, 559 vajza ushtrojnë aktivitetin e paligjshëm në Tiranë, 19 në Durrës ndërsa 3 të tjera në Sarandë.
Sipas policisë, vajzat e liruara nga gjykata sot, janë shtetaset: L. P., 28 vjeçe, L. B., 23 vjeçe, Y. S., 28 vjeçe, D. B., 31 vjeçe, M. G., 21 vjeçe dhe L. B., 22 vjeçe, nga Spanja, Kolumbia, Venezuela dhe Rusia.
Sipas dosjes së Prokurorisë, vajzat që ushtrojnë prostitucion në këtë rrjet paguheshin nga 200 deri në 1000 euro.
Në uebsajtin në internet, thuhet në dosjen e Prokurorisë, shfaqen fotografi të shumta intime të një numri të madh vajzash në disa shtete të botës dhe në rubrikën “Country Albania”m shfaqen 21 vajza të ndryshme, me adresë në Tiranë, të ekspozuara me foto intime, ku secila prej tyre publikon një informacion rreth mënyrës së kontaktimit, numrat e telefonit, në katër raste numra shqiptarë dhe të tjerat numra të huaj, rreth shërbimeve seksuale që ofrojnë, pagesat etj.
